Ўзбекистон республикаси адлия вазирлиги тошкент давлат юридик институти

шеффендан
иборат бўлган (ГФРда шеффен деб ишни муҳокама 
қилишда иштирок этувчи ва профессионал судьялар билан 
биргаликда судланувчининг айбли ёки айбсизлиги ва унга жазо 
чораси қўллаш масаласи юзасидан қарор қабул қилувчи присяжний 
маслаҳатчи тушунилади). Ҳозирги кунда присяжнийлар суди учта 
профессионал судьядан ва иккита шеффендан ташкил топади. 
Присяжнийлар суди қасддан одам ўлдириш ёки одамларнинг ҳаёти 
учун хавф туғдириш билан боғлиқ бошқа жиноятларда (ўт қўйиш, 
портлатиш, самолётларни олиб қочишга уриниш, босқинчилик ва 
айбни оғирлаштирувчи ҳолатларда товламачилик қилиш ва ҳоказо) 
айблаш юзасидан жиноят ишларини кўриб чиқиш зарурати 
туғилганда чақирилади. 
Жиноят ишлари бўйича катта палата 
учта судья ва иккита 
шеффен таркибида жиноий тажовузлар тўғрисидаги ер судлари 
судловига тегишли ишларнинг асосий қисмини кўриб чиқади. 
Округида ернинг олий суди жойлашган ер судларида давлат 
жиноятлари тўғрисидаги ишлар бўйича палата ташкил этилиб, бу 
палатада асосан “демократик ҳуқуқий давлатга таҳдид” билан ҳамда 
ғайриқонуний ташкилотлар фаолиятининг тақиқланишини бузиш 
билан боғлиқ ишлар кўрилади. 1976 йилдан бошлаб ерларнинг 
кўплаб судларида жиноят ишлари бўйича катта палаталар таркибидан 
виждонсиз рақобат, корхоналарнинг молиявий фаолияти, солиқлар ва 
ҳ.к. тўғрисидаги қонун ҳужжатларини бузиш билан боғлиқ иқтисодий 
жиноятлар бўйича палаталар ажратилган. Жиноят ишлари бўйича 
катта палата учта судья ва иккита шеффен таркибида ер суди 
номидан участка судларида шеффенлар суди чиқарган ҳукмлар 
устидан келтирилган апелляция шикоятларини кўриб чиқади. 
Участка судьялари томонидан якка тартибда чиқарилган ҳукмлар 
устидан келтирилган апелляция шикоятларини кўриб чиқиш учун ер 
суди таркибида ер суди аъзоси ва иккита шеффендан иборат таркибда 
фаолият юритаётган 
жиноят ишлари бўйича кичик палата 
ташкил 
этилади.