Ўзбекистон республикаси адлия вазирлиги тошкент давлат юридик институти

Конституциявий суд таркибида етти 
нафар судья мавжуд:
раис, унинг ўринбосари, 
Қорақалпоғистон 
Республикасидан 
судьяни 
қўшган ҳолда беш нафар суд аъзоси. 
Чет 
эл 
давлатларида 
конституциявий 
судларнинг 
(кенгашларнинг) таркибий сони одатда унчалик кўп эмас: Мальтада – 
3 нафар, Молдовада – 6, Франция, Руминия, Словения, Македония, 
Монголияда – 9, Словакия, Чехияда - 10, Бразилия, Хорватия, 
Венгрияда – 11, Испания, Болгария, Польша, Бельгия, Эронда – 12, 
Португалия, Грецияда – 13, Австрияда – 14, Италияда – 15, 
Германияда – 16 нафар суд аъзоси мавжуд. Кўриб турганимиздек, 
тегишли давлат ахолиси сони билан ҳеч қандай боғланишлар йўқ, 
худди шунингдек, судьяларнинг, албатта, тоқ сонига эришиш ҳам 
кўзга ташланмайди.
Конституциявий суднинг судьяларига Ўзбекистон Республикаси 
Президенти томонидан Олий малака ёки Биринчи малака даражалари 
берилади. Биринчи бор Конституциявий суднинг судьяси этиб 
сайланган шахс мазмуни қонун билан белгиланган қасамёд қилади 
(“Ўзбекистон Республикаси Конституциявий суди тўғрисида”ги 
Қонуннинг 13-моддаси). Конституциявий суднинг судьяларини 
Ўзбекистон Республикаси Президенти қасамёд қилдиради. 
Судьяликка номзодларга айтиб ўтилган талаблардан ташқари, 
қонун Конституциявий суд судьялиги билан бир вақтда шуғулланиб 
бўлмайдиган фаолият ва ҳаракатларни ҳам белгилаб қўйган. Хусусан, 
Конституциявий суднинг судьяси вазифаларини бажарган вақтда 
депутатлик мандатига эга бўлиш, сиёсий партияларга ва ҳаракатларга 
аъзолик, ҳақ тўланадиган бошқа лавозимни эгаллаш мумкин эмас. 
Шунингдек судья ҳимоя ёки вакилликни (судда, хўжалик судида ва 
бошқа органларда қонуний вакиллик ҳоллари бундан мустасно) 
амалга ошириш, бирор бир шахсларга ҳуқуқларни қўлга киритиш ва 
мажбуриятлардан озод этиш билан боғлиқ ҳомийлик қилиш ҳуқуқига 
эга эмас. Кўрсатилган чекланишлар судьяларнинг ҳуқуқий 
позициялар “тозалигини” таъминлашга қаратилган. Бу аслида 
ишларни ҳал этиш ва хулосалар беришда корпоратив ёки шахсий 
манфаатлар устунлигидан ёки Олий Мажлис депутатлари, сиёсий 

---

263 
раҳбарлар ва бошқалар (лекин судьялар эмас) амал қилиши мумкин 
бўлган 
амалий 
мақсадга 
мувофиқлик 
мулоҳазаларидан 
кафолатлардир. 
Конституциявий суд шаъни Кодекси барча Конституциявий суд 
судьялари учун мажбурий бўлган ахлоқий характерга эга қоидаларни 
ўрнатади.
Ўзбекистон Республикаси Конституциясининг 107-моддасига 
асосан Конституциявий суд 5 йиллик муддатга сайланади. 
Конституциявий суд доимий фаолият кўрсатувчи орган ҳисобланади. 
Унинг ваколатлари қонун билан белгиланган тартиб ва асосларга 
кўра тугатилиши ёки тўхтатилиши мумкин.
Конституциявий суд фаолияти тартиби унинг Регламенти билан 
белгиланади, унда: суд мажлисларида ишларни кўриб чиқиш 
навбатини аниқлаш тартиби; мажлисдаги интизом ва одобининг 
айрим қоидалари; судда иш юритишнинг хусусиятлари; суд девони 
ходимларига қўйиладиган талаблар; Конституциявий суд ички 
фаолиятига доир бошқа масалалар ўз аксини топган.