Ўзбекистон республикаси адлия вазирлиги навоий вилояти юридик техникуми

63.Ҳадя шартномасининг тарфлари ўртасида келиб чиқадиган низолар қай тартибда ҳал этилади.
НИЗОЛАРНИ ҲАЛ ҚИЛИШ ТАРТИБИ 9.1. Ушбу шартнома юзасидан ёки у билан боғлиқ ҳолда тарафлар ўртасида келиб чиқадиган низо ва зиддиятлар тарафлар ўртасида музокаралар олиб бориш йўли билан ҳал этилади. 143 9.2. Музокаралар олиб бориш йўли билан низони ҳал этиш имконияти бўлмаган тақдирда, мазкур шартноманинг тузилиши, унинг шартларининг ўзгариши, бузилиши, ижро этилиши, бекор бўлиши, тугатилиши ва ҳақиқийлиги юзасидан келиб чиқувчи барча низолар, келишмовчиликлар ва талаблар Ўзбекистон Республикаси Савдо-саноат палатаси ҳузуридаги Ҳакамлик судида унинг Регламентига асосан ҳакамлик судьяси томонидан якка тартибда кўриб чиқилади. Ҳакамлик судининг ҳал қилув қарори тарафлар учун қатъий ва мажбурий ҳисобланади.
64.Ҳадя шартномасида қатнашувчи тарафлар, уларнинг ҳуқуқ ва бурчларини изоҳлаб беринг.
2.ТАРАФЛАРНИНГ ҲУҚУҚ ВА МАЖБУРИЯТЛАРИ 2.1. Ҳадя олувчи ҳадя топширилгунга қадар истаган вақтида уни қабул қилишни рад этишга ҳақли. 2.2. Ҳадя қилувчи: 2.2.1. Ҳадя олувчидан ҳадяни қабул қилишни рад этиши оқибатида етказилган ҳақиқий зарарни қоплашни талаб қилишга; 2.2.2. шартнома тузилгандан сўнг Ҳадя қилувчининг моддий аҳволи жиддий ёмонса, у мазкур шартноманинг 1.2-бандида кўрсатилган ҳадяни Ҳадя олувчига топширишдан бош тортишга ҳақли. 2.3. Ҳадя олувчи мазкур шартноманинг 1.2-бандида кўрсатилган ҳадяни белгиланган тартибда қабул қилиб олади. 2.4. Ҳадя қилувчи: 2.4.1 мазкур шартноманинг 1.2-бандида кўрсатилган ҳадяни белгиланган тартибда Ҳадя олувчига топширади; 2.4.2. ҳадядаги камчиликлар туфайли Ҳадя олувчининг ҳаёти, соғлиғи ёки мол-мулкига етказилган зарарни, агар бу камчиликлар ҳадя Ҳадя олувчига топширилгунга қадар пайдо бўлгани аниқ кўриниб турган камчиликлар жумласига кирмаслиги ва Ҳадя қилувчи бу ҳақда билган бўлсада, Ҳадя олувчини огоҳлантирмаганлиги исбот қилинган бўлса, Ўзбекистон Республикасининг Фуқаролик кодекси 57-бобида назарда тутилган қоидаларга мувофиқ қоплайди. 2.5. Тарафлар амалдаги қонун ҳужжатларига мувофиқ мазкур шартнома бўйича бошқа ҳуқуқларга эга бўлишлари ва маълум мажбуриятларни олишлари мумкин.