Ўзбекистон респубикаси

16.4.4 Сифат менежменти тизимида маълумотлар базасини Microsoft Access дастурида яратиш

Ахборот тизимларида маълумотлар базасини яратишни таснифлаш ва кодлаштириш, ҳужжатлаштиришнинг бир хил тартибга келтирилган тизимларини ичига олган ахборотни жойлаштириш ва ташкил қилиш бўйича услублар ва воситалар йиғиндиси ахборот таъминотини ташкил қилади. Қабул қилинадиган башқарув қарорларининг ишончлилиги ва сифати кўп жиҳатдан ишлаб чиқилган ахборот таъминоти, маълумотлар базаси ва сифатига боғлиқ бўлади.
Сифатни бошқаришда дастурий таъминот компьютер техникаси воситасида маълумотни қайта ишлаш ва дастурий таъминлаш маълумотлари йиғиндиси ҳисобланади. Дастурий таъминотга базавий ва амалий ишланмалар йиғиндиси киради.
Сифат бошқарувида маълумотлар базаси устида иш олиб бориш мураккаб бўлиб, унинг архитектураси билан ишлаш талаб қилинади.
Маълумотлар муҳим ҳаётий ресурс бўлиб, уни шундай ташкил қилиш керакки, унинг қиймати максимал бўлиши керак.
Бизга маълумки компьютерлар хотирасида ҳоҳлаган бир маълумот рақамланган цифралар ”1” ёки “0” сонлари билан жойлаштирилади.
Маълумотлар базасини яратишда ушбу комбинацияни ташкил қилиш энг кўп талаб қилинади.
Ахборот – қабул қилиш, узайтириш, ишлаш ва фойдаланиш объекти бўлиб хизмат қиладиган исталган воқеа, жараён тўғрисидаги билдириш ҳисобланади.
Маълумот – маълум бир шаклда қайд қилинган қайта ишлаш, сақлаш ва узатиш учун яроқли хабарга айтилади.
Маълумотлар базаси – ахборотлар тизимининг энг муҳим таркибий қисми бўлиб, маълумотлар базасини бошқариш тизими воситалари орқали машина “ташувчи” да ҳосил қилинган маълумотлар йиғиндисидир. Маълумотлар базасида сақланаётган маълумотларни минимал такрорлаш орқали мантиқий боғланган маълумотларнинг қўшилиши таъминланади. Маълумотлар базаси ўзаро боғланган объектларнинг баъзи мантиқий моделини акс эттиради. Бу объектлар аниқ предмет соҳасини ўзида намоён этади. Маълумотлар базаси – маълумотлар базасини бошқарув тизимида таъминланадиган модел ва маълумотлар тузилмаларига мувофиқ ташкил этилади.
Маълумотлар базасини бошқарув тизими тармоғи турли фойдаланувчилар маълумотларининг умумий базасига киришининг чекланганлигини кузатиб боради ва фойдаланувчи бир вақтда маълумотларнинг умумий базасидан фойдаланганда маълумотларни сифатли ҳимояланишини таъминлайди.