Ўзбекистон републикаси

Назорат саволлари:

1. 
   Намуналашдан қўзланган бош мақсад нима?
   
2. 
   Кимёвий таҳлил учун намуналар нима учун хизмат қилади?
   
3. 
   Минералогик намуналашдан кўзланган мақсад нима?
   
4. 
   Технологик намуналаш деганда қандай намуналашни тушинасиз?
   
5. 
   Техник намуналаш нима ва улар нима мақсадда олинади?
   
6. 
   Намуналарни қайта ишлаш операцияси деганда нима кўзда тутилади?
   
7. 
   Намуналашнинг қандай усулларини биласиз?
   
8. 
   Намуналашнинг штуфли усулининг маҳияти нимада?
   
9. 
   Намуналашнинг нуқтали усули қандай усул?
   

10.Намуналашнинг жўякли усулини тушунтиринг!
11. Намуналашнинг шпурли усули деганда қандай усулни тушинасиз?
12. Намуналашнинг задиркали усули қандай холларда қўлланилади?
13. Намуналашнинг ялпи усули мазмуни ва моҳиятини тушунтиринг!
14.Бурғу қудуқларини намуналашнинг чизиқли усули қандай амалга оширилади?
15. Намуналарни қайта ишлаш деганда нимани тушунасиз ва у асосан қандай босқичларда амалга оширилади?
16. Намуна олиш ва уни қайта ишлашда қандай аналитик, техник ва технологик тадқиқотлар бажарилиши лозим?
17. Намуналашни назорат қилиш қандай жараёндарда амалга оширилади?
VIII-БОБ. ФОЙДАЛИ ҚАЗИЛМА КОНЛАРИНИНГ РАЗВЕДКАСИ
8.1. Разведканинг мақсади ва асосий тамойиллари
Разведканинг мақсади - фойдали қазилмаларни қазиб олувчи ва қайта ишловчи корхоналарни самарали лойиҳалаш ва кейинчалик фаолият кўрсатиши учун лозим ва етарли бўлган саноат конларини топиш, ер каърида минерал хом ашёларнинг разведка қилинган заҳираларини ва бошқа маълумотларни олишдир. Бу мақсад ҳар бир босқичда ЎзР иқтисодий ва ижтимоий ривожланишининг умумий вазифаларига мос келади.
Ягона усулибий ёндошув турли туркумдаги конларини разведка ва эксплуатация қилиш натижалари бўйича ишлаб чиқилган. Конни ўрганиш тафсиллиги, разведка тўрининг зичлиги, биринчи навбатдаги энг истиқболли бўлган маъданли участкалар ёки маъданли таналарни танлаш, уларни разведка қилиш чуқурлиги, асосий параметрларининг ўзгарувчанлигини баҳолаш масалалар муҳим ҳисобланади. Ушбу масалаларни ечиш разведка ишларини бажариш давомида разведка тамойиллари деб аталувчи ҳолатларга асосланган усул бўйича амалга оширилади. Уларга кетма-кет яқинлашув, тадқиқотлар тўлиқлиги, тенг ишончлилик, маблағ ва вақтни энг кам сарфлаш тамойиллари киради. А.Б. Каждан улардан ташқари ўхшашлик ва кузатувларни танлама тафсиллаш тамойилларини ҳам ажратади, уларни заминни ўрганиш тамойиллари деб қарайди.