Ўзбекистон иқтисодчилари XIII форуми

2-расм. COVID-19 коронавирус пандемиясининг туризм соҳасига таъсири бўйича немис 
экспертлари ўтказган сўровнома натижалари. [2] 
Юқорида ўтказилган сўровнома натижасидан шуни таъкидлаб ўтиш лозимки, Германиядаги
туристик фаолият кўрсатиш билан шуғулланувчи корхоналарнинг аҳволи худди жаҳоннинг кўпчилик 
мамлакатлари сингари анча ёмон ҳолатдалиги ёритилган. Айниқса, меҳмонхона ва бошқа 
жойлаштириш воситалари ва овқатлатиш корхоналари 2020 йилнинг апрель ойидаги ҳолати 
ёмонлигини таъкидлашган. Бунга асосий сабаб, мамлакатда жорий қилинган оммавий карантин 
ҳолати туфайли, бу соҳага тегишли корхоналар фаолиятини вақтинчалик тўхтатишган. Туроператор, 
турагент ва турфирмаларнинг кўпчилиги пандемиядан кейинги фаолиятининг самарали бўлиши учун 
онлайн режимида иш олиб бормоқдалар. 
Ўзбекистон Республикасида туризм соҳаси жадал суръатлар билан ривожланмоқда. 
Президентимиз Ш.М.Мирзиёевнинг 2019 йил 31 декабрда парламент палаталари раҳбарлари, хукумат 
аъзолари, вазирлик ва идоралараро мутасаддилари билан учрашувда сўзлаган маърузасида, “2020 
йилда мамлакатимизга туристлар оқимини 7,5 миллион кишига етказиш ва хизматлар экспортини 1,5 
миллиард доллардан ошириш” бу соҳадаги энг устувор вазифа эканлигини кўрсатиб ўтилган. Бу фикр 
сўнгги йилларда туризм соҳасига бўлган катта эътибор натижасида жадал суръатлар асосида 
ривожланиш ва охирги 3 йилдаги статистик маълумотларга асосан айтиб ўтилган бўлиб, бунда, 
албатта, хеч ким кутмаган коронавирус пандемияси каби форс-мажор ҳолатлари эътиборга 
олинмаган. 
Ўзбекистон Республикасида туризм соҳасини сўнгги йилларда жадал суръатларда 
ривожланганлигини қуйида келтирилган 3-расмда ҳам кўришимиз мумкин. Бунда мамлакатимизда 
туризм соҳасини янада ривожлантириш ва жаҳон туристик хизматлар бозорида ўз мавқеини 
мустаҳкамлаб олиши, шунингдек, рақобатбардошлигини ошириш бўйича давлат томонидан 
ислоҳотларнинг самарали олиб борилганлиги ва мамлакатимизнинг жаҳон ҳамжамиятига очилиши 
натижасида, 2017-2019 йилларда хориждан ташриф буюрганлар сони 2019 йилда 2017 йилга нисбатан 
2,5 бараварга, туристик хизматлар экспорти шу солиштирилган даврга нисбатан 2,4 бараварга 
ошганлигини таҳлил натижаси сифатида кўрсатиб ўтишимиз мумкин. 

---

101