Ўзбекистон халқаро ислом академияси

 
 

---

ТАЪЛИМ СОҲАСИДА КАМСИТИШГА ҚАРШИ КУРАШ 
ТЎҒРИСИДА КОНВЕНЦИЯ (Кўчирма) 
1960 йил 14 декабрь 
1-модда 
1.
Ушбу конвенцияда “камситиш” ибораси таълим соҳасида муносабат
тенглигини йўқотиш ёки бузишни мақсад ёки натижа қилиб қўядиган ирқ, 
тана ранги, жинс, тил, дин, сиёсий ёки бошқача эътиқодлар, миллий ёки 
ижтимоий келиб чиқиши, иқтисодий ҳолат ёки туғилиш белгиси бўйича ҳар 
қандай тафовут, истисно, чеклаш ёки устунликни қамраб олади, хусусан: 
а) қандайдир шахс ёки шахслар гуруҳининг ҳар қандай поғона ёки турдаги 
таълимга киришини ёпиш; 
в) қайсидир шахс ёки шахслар гуруҳи учун ўқишни таълимнинг қуйи бўғини 
билан чеклаш; 
с) қайсидир шахслар ёки шахслар гуруҳи учун ушбу Конвенциянинг 2-
моддаси қоидасида кўзда тутилган ҳоллардан бошқа ажратилган таълим 
тизими ёки ўқув юртларини тузиш ёки сақлаш; 
d) қайсидир шахс ёки шахслар гуруҳи қўйиладиган инсон қадри-қимматига 
номуносиб вазият. 
2. Ушбу Конвенцияда “таълим” сўзи таълимнинг турлари ва бўғинларига 
тегишли ҳамда таълимга киришни, ўқитиш даражаси ва сифатини, 
шунингдек, у олиб бориладиган шарт-шароитларини ўз ичига олади.
2-модда 
Қуйидаги қоидалар, агар уларга алоҳида давлатларда йўл қўйилса ушбу 
конвенциянинг 1-моддаси нуқтаи назаридан камситиш деб кўриб 
чиқилмайди: 
А) турли жинс ўқувчилари учун шу тизим ёки ўқув юртлари таълимига бир 
хилда киришни таъминлаб, уларнинг ўқитувчилари таркиби бир хил 
танланиб, улар тенг сифатли бино ва ускуналарга эга бўлиб бир хил 
дастурларда ўқитишга имкон берса, ўқитишнинг алоҳида-алоҳида 
тизимларини тузиш ёки сақлаш; 

---

В) ота-оналар ёки ўқувчилар васийларининг танлашига мочс таълим берувчи 
диний ёки тил хусусиятидаги алоҳида таълим тизимлари ёки ўқув юртларини 
шу тизимларга ёки шу ўқув юртларига кириш ихтиёрий бўлган бериладиган 
таълим ваколатли таълим органлари томонидан жумладан, айни бир хил 
бўғирдаги таълимга нисбатан кўрсатилган ёки тасдиқланган меъёрларга 
бўлган ҳолларда тузиш ёки сақлаш; 
С) хусусий ўқув юртларни уларнинг мақсади қандайдир гуруҳни истисно 
қилиш эмас, балки давлат томонидан бериладиган таълим имкониятларини 
кенгайтиришдангина иборат бўлган ҳолларда шу шарт билан тузиш ёки 
сақлаб қолишки, токи бунда уларнинг фаолияти юқорида кўрсатилган 
мақсадга жавоб берсин ва улар берадиган таълим талимнинг ваколатли 
органлари томонидан жумладан айни бир хилдаги бўғин таълими 
меъёрларига нисбатан кўрсатилган ёки тасдиқланган нормаларга мувофиқ 
келсин.