Ўзбекистон ёшлар иттифоқи Тошкент шаҳар Кенгаши томонидан ёшлар учун «Tech of youth» робототехника танловини ўтказиш тўғрисидаги

Якунлаш қоидалари

Мусобақада ҳар бир номинациялар бўйича ғолиб бўлган робот аниқланади. Тортишувли вазиятларда ғолиблик ёки қўшимча раунд белгилаш бўйича ҳулосани мусобақа ҳакамлари қабул қилади.

Мусобақалар қуйидаги схемада ўтказилади: саралаш босқичи – иккита уринишдан ташкил топган бўлиб, бунда роботлар жуфтликда иштирок этадилар, лекин масофани (дистанцияни) босиб ўтиш вақти ҳар бир робот учун алоҳида қайд этилади. Саралаш босқичи якунига кўра энг яхши натижалар асосида роботлар рейтинги шаклланади. Финал босқичига (“чиқиб кетиш” каби олимпиада тизими) – биринчи ўринларни эгаллаган роботлардан N таси чиқади, финалистлар сони саралаш босқичлари натижаларига кўра бош ҳакам томонидан белгиланади. Сўнгра роботларнинг чиқишлари яна жуфтликда давом этиб, ютқизган робот чиқиб кетаверади. Жуфтликларни ҳакам қуръа ташлаш орқали аниқлайди. Агар 2 дақиқа (минут) давомида роботлар финишга етиб келмасалар, улар ҳакам томонидан тўхтатилади. Бу вазиятда саралаш босқичида ҳар бир роботга максимал вақт қайд этилади (120 сония (секунд)). Финал босқичида финишга энг яқин келган робот ғолиб ҳисобланади. Агар ғолиб юқорида изоҳланган усулда аниқланмаса, мусобақа ҳаками ғолиблик ёки мағлубият ҳақидаги қарорни қабул қилади.