Ўзбекистон ёшлар иттифоқи қошидаги “Камалак” болалар ташкилотининг н и з о м и I боб. Умумий қоидалар

IV БОБ. ТАШКИЛОТГА АЪЗОЛИК,
АЪЗОЛАРНИНГ ҲУҚУҚ ВА БУРЧЛАРИ
4.1. Жинси, ирқи, миллати, тили, динга мансублиги, шахсий ва ижтимоий мавқеидан қатъий назар, ташкилотнинг мақсад-вазифаларини қўллаб-қувватлайдиган етти ёшдан ўн тўрт ёшгача бўлган болалар ташкилот аъзоси бўлишлари мумкин.
4.2. Ташкилот аъзолигига Ўзбекистон ёшлар иттифоқининг умумий ўрта таълим мактабларидаги бошланғич ташкилоти томонидан қабул қилинади, туман (шаҳар) “Камалак” болалар ташкилоти томонидан тантанали равишда амалга оширилади.
Ташкилотга аъзо бўлувчилар ўз тенгдошлари олдида тантанали ваъда берадилар. Тантанали ваъда матни ташкилотнинг Республика Раёсати томонидан тасдиқланади.
4.3. Ташкилот аъзолигига талаблар:

• 
  намунали хулқ-атвор;
  
• 
  бесабаб дарс қолидрмаслик;
  
• 
  жамоат ишларида фаол бўлиши лозим.
  

4.4. Ташкилот аъзолари учун имтиёзлар Муассиснинг Қарорига кўра бериб борилади.
4.5. Ташкилот аъзолари сафидан чиқариш қуйидаги ҳолларда амалга оширилади:
- ташкилот аъзосининг ўз хоҳишига кўра;
- ташкилотга аъзолик ёшидан ўтганда;
- ташкилот аъзоси берган ваъдасига риоя этмаган тақдирда;
- ташкилот аъзоси томонидан ушбу Низомга зид бўлган хатти-ҳаракатларга йўл қўйилганда;
- ташкилотнинг фаолияти тугатилганда.
4.6. Ташкилот аъзолари тўғрисидаги таҳлилий статистик маълумотларни умумий ўрта таълим мактабларидаги бошланғич ташкилотлар юритади, туман (шаҳар) “Камалак” болалар ташкилоти мувофиқлаштиради.
4.7. Ташкилотнинг барча аъзолари қуйидаги тенг ҳуқуқларга эгадирлар:
- ташкилот фаолияти тўғрисида маълумотлар олиш, ўзларига тааллуқли бўлган масалаларни муҳокама қилишда иштирок этиш ва шахсий фикрини билдириш;
- ташкилотнинг сайланма органларига номзод кўрсатиш, сайлаш ва сайланиш;
- Муассис Устави ва ушбу Низом доирасида ташкилот фаолиятида иштирок этиш, ташкилотнинг ҳар қандай раҳбар органига ариза ҳамда таклифлар билан мурожаат этиш.
4.8. Ташкилот аъзоларининг бурчлари қуйидагилардан иборат:
- ташкилотнинг мақсад ва вазифаларини амалга оширишда фаол иштирок этиш;
- Сардорлар Кенгаши билан доимий алоқада бўлиш, унинг қарорларини бажариш.