Ўзбекистон давлат консерваторияси “Тасдиқлайман”

Шахсга йўналтирилган таълим технологиясининг мақсади - унинг ҳаёт тажрибасидан фойдаланиш асосида боланинг индивидуал билим қобилиятларини максимал даражада ривожлантириш (ва олдиндан белгилаб қўйилган эмас). Шахсга йўналтирилган ёндашув объектив равишда бир қатор ҳолатлар билан боғлиқ.
Биринчидан, жамиятнинг жадал ривожланиши одамда ижтимоий жиҳатдан одатдагидек эмас, балки ёрқин шахсга хос бўлиб шаклланишини талаб қилади, бу эса боланинг тез ўзгарувчан жамиятда бўлишига ва қолишига имкон беради.
Иккинчидан, психологлар ва социологларнинг таъкидлашича, ҳозирги мактаб ўқувчилари прагматик фикрлар ва ҳаракатлар, эмансипация (турли ижтимоий боғлиқликларни рад этиш, шу жумладан ота-оналардан болалар, эркаклардан аёллар чекловларини бекор қилиш) ва мустақиллик билан ажралиб туради ва бу ўз навбатида ўқитувчилар томонидан талабалар билан ўзаро муносабатларда янги ёндашув ва усуллардан фойдаланишни белгилайди.
Учинчидан, замонавий таълим болалар ва катталар ўртасидаги муносабатларни инсонпарварлаштириш ва демократлаштиришга катта эҳтиёж мавжуд. Шунинг учун мактаб ўқувчиларини ўқитиш ва тарбиялашнинг шахсга йўналтирилган тизимларини яратиш зарурати бор.
Ўқувчига йўналтирилган таълим технологияси (И.С.Якиманская) тарбия (жамиятнинг меъёрий изчил фаолияти) ва таълим (боланинг индивидуал фаолияти) ни бирлаштиради. Ўқувчига йўналтирилган таълим технологиясининг мақсади - унинг ҳаётий тажрибасидан фойдаланиш асосида боланинг индивидуал билим ва қобилиятларини максимал даражада ривожлантиришдир.
Қўшимча таълим муассасаси болани ўрганишга мажбурламаслиги, аксинча ҳар ким ўрганилаётган мавзу мазмуни ва унинг ривожланиш суръати бўйича танлов қилиши учун шароит яратиши жуда муҳимдир. Бола бу ерга ўзи, ихтиёрий равишда, мактабдаги асосий машғулотлардан бўш вақтида келади ва ўзи ёқтирган ўқитувчини, қизиқтирадиган фаолиятни танлайди.
Шахсга йўналтирилган технологиялар антропоцентрик, гуманистик ва психотерапевтик хусусияти билан ажралиб туради ҳамда фаолият субъекти сифатида боланинг кўп қиррали, эркин ва ижодий ривожланишига қаратилган.
Ушбу технологиялардан фойдаланиш ўқув жараёни иштирокчиларидан қатор шарт-шароитларни яратишни талаб қилади, яъни:

• 
  тадқиқотчилик (изланиш) тафаккурини моделлаштирадиган индивидуал ўқув дастурлари ишлаб чиқиш;
  
• 
  гуруҳ дарсларини диалог ва моделлаштирилган-ролли ўйинлар асосида ташкил этиш;
  
• 
  ўқув материали ўқувчиларнинг ўзлари томонидан амалга ошириладиган лойиҳалар услубини амалга оширишга мўлжалланиши лозим.