Ўзбекистон алоқа ва ахборотлаштириш агентлиги тошкент ахборот технологиялари университети алоқа қурилмаларининг электр таъминоти кафедраси

14-маъруза: Персонал компьютерлар электр таъминоти манбалари.
Режа:

1. 
   Компьютерларнинг электр таъминоти манбалари..
   

2. Кириш занжири.

3. 
   Кучланиш ўзгартиргичи.
   
4. 
   Бошқариш ва ҳимоялаш схемалари.
   

Таянч иборалар: сақлагич, тармоқ қайта улагичи, тармоқ кучланиши тўғрилагичи, ҳалақитларни сўндирувчи фильтр, тармоқ кучланиши тўғрилагичи, интеграл стабилизаторлар, чекловчи терморезистор .

Компьютерлар иккиламчи электр таъминоти манбалари 220В/110В ли ўзгарувчан кучланишдан таъминланади. Чиқиш кучланишлари эса ±5В ва ±12 В кучланишли каналларга бўлинади. Иккиламчи электр таъминоти манбалари барча каналлари қувватлари йиғиндиси 65 Втдан то 350 Втгача бўлиш мумкин [2,6].

Компьютерлар электр таъминоти манбаининг тузилиш схемасини кўриб чиқамиз (14.1-расм). У қуйидаги асосий қисмлардан ташкил топади:

• 
  кириш занжири;
  
• 
  ўзгартиргич;
  
• 
  ўзгартиргичнинг бошқариш схемаси;
  
• 
  чиқиш занжири;
  
• 
  ҳимоялаш схемаси;
  
• 
  қўшимча таъминот манбаи;
  
• 
  вентилятор схемаси.
  

Кириш занжири

Кириш занжири таркибига қуйидаги компонентлар киради:

• 
  кириш уч тешикли разъеми;
  

• 
  тармоқ қайта улагичи;
  

• 
  чиқиш уч уяли разъеми (дисплей электр таъминоти кабелини улаш учун);
  
• 
  сақлагич;
  
• 
  чекловчи терморезистор;
  
• 
  ҳалақитларни сўндирувчи фильтр;
  
• 
  тармоқ кучланиши тўғрилагичи;
  
• 
  силлиқловчи фильтр;
  
• 
  зарядсизлаш резистори.
  

Иккиламчи электр таъминоти манбаи кириш занжирининг схемаси 14.2-расмда келтирилган. Сақлагич FU1 кириш занжирида носозликлар (қисқа туташув ёки ортиқча юкланиш) бўлганида таъминот манбаини тармоқдан узади.
Чекловчи терморезистор RT1 конденсаторлар орқали оқиб ўтадиган токнинг кескин ортиб кетишини чеклайди.
Ҳалақитларни сўндирувчи фильтр (ҲСФ) юқори частотали ҳалақитларни ИЭТМдан тармоққа ва тармоқдан ИЭТМга ўтишини камайтиради.
Тармоқ кучланиши тўғрилагичи (ТКТ) ўзгарувчан тармоқ кучланишини тўғрилаш учун хизмат қилади. Тўғрилагич чиқишига тўғриланган кучланишнинг пульсациясини камайтириш учун паст частотали силлиқловчи фильтр қўйилади.

14.1-расм. Компьютер электр таъминоти манбаининг тузилиш схемаси

14.2-расм. Кириш занжирининг схемаси

ИЭТМлар 110/220 В кучланишларга ишлаб чиқарилади, чунки тармоқ кучланишлари турли давлатларда турли номиналларга ва частоталарга эга, масалан, АҚШда 120 В, 60 Гц, Ҳамдўстлик ва кўплаб Европа мамлакатларида эса 220 В, 50 Гц. Бунда ИЭТМни турли тармоқ кучланишларига мослаштириш учун кириш занжирида ҲСФ ва ТКТ орасига тармоқнинг номинал кучланишини автоматик таниш схемаси (ТНКАТС) киритилади. У автоматик равишда ИЭТМни у ёки бу тармоқ кучланишига мослаштиради. Тармоқ кучланиши 220 В бўлганида тўғрилаш кўприксимон тўғрилагич орқали амалга оширилади, фильтрнинг С6 ва С7 конденсаторлари бир вақтда зарядланади. Тармоқ кучланиши 110 В бўлганида тўғрилаш кучланишни икки марта кўпайтириш схемаси бўйича амалга оширилади ва фильтрнинг С6 ва С7 конденсаторлари тармоқ кучланишининг турли қутбларида зарядланади.