Ўзбекистон алоқА, ахборотлаштириш ва телекоммуникация технологиялари давлат қЎмитаси

4.5. Лойиҳалар турлари 
Юқорида келтирилган туркумнинг биринчи белгиси доирасига 
қуйидаги лойиҳаларни киритиш мумкин:

тадқиқий лойиҳалар; 

ижодий лойиҳалар; 

ролли-ўйинли лойиҳалар; 

ахборот лойиҳалари; 

амалий лойиҳалар. 
Тадқиқот лойиҳалари.
Бундай лойиҳалар аниқ мақсад 
кўрсатилган, иштирокчиларнинг барчаси учун тадқиқот предмети 
долзарблиги таъминланган, ижтимоий аҳамиятли, услублар, шу 
жумладан тажрибалар сони, натижаларга ишлов бериш усуллари 
белгиланган шаклдаги пухта ўйланган таркибга эга бўлади. Улар 
тадқиқот мантиқига тўлиқ бўйсунади ва таркиб жиҳатдан ҳақиқий 
илмий –тадқиқот ишларига деярли ёки тўлиқ мос келади. Ушбу 
лойиҳаларда қуйидаги босқичлар бажарилиши талаб этилади: 

тадқиқот учун танланган мавзунинг долзарблигини асослаш; 

тадқиқот муаммосини аниқлаш; 

қабул қилинган мантиқий кетма-кетликка асосан тадқиқот 
вазифаларини белгилаш; 

тадқиқот усулларини аниқлаш; 

ахборот манбаларини аниқлаш; 

белгиланган муаммони ечиш гипотезасини илгари суриш, 
баён этиш; 

гипотезани ечиш йўлларини аниқлаш; 

---

45

олинган натижаларни муҳокама қилиш; 

хулосалар тайёрлаш; 

тадқиқот натижаларини расмийлаштириш; 

кейинги тадқиқотлар учун янги муаммоларни белгилаш. 
 Ижодий лойиҳалар. 
Маълумки ҳар қандай лойиҳа ижодий 
ёндошувни талаб этади. Лойиҳа типини аниқлашда доминант, яъни 
энг устун белгилар ҳисобга олиниши зарур. Ижодий лойиҳалар 
натижаларни шунга мос ҳолда расмийлаштиришни кўзда тутади. 
Бундай лойиҳалар лойиҳа иштирокчиларининг биргаликдаги 
фаолиятида батафсил, ҳар бир элемент таҳлили кўзда тутилган 
таркибни талаб этмайди, асосий эътибор охирги натижага берилади 
ва гуруҳий фаолият мантиқига бўйсунади. Бундай ҳолда режали 
натижа ва уни тақдимот қилиш усули келишиб олинади. Шу 
сабабли лойиҳа натижаларини расмийлаштириш аниқ, пухта 
ўйланган таркибни талаб этади.