Ўзбекистода кончилик саноати мамлакатимиз саноатининг йирик тармоқларидан бири бўлиб, халқ ҳўжалигини ривожлантириш ва самарадорлигини юқори бўлишини таъминлашда катта аҳамиятга эгадир

"Кальмакир" Кон бошкармасининг кон-геологик тавсифи.
Қалмоқир кони 1920- йилларнинг ўрталарида очилган бўлиб 1954 йилдан қурилиш ишлари бошланди ва ўшандан бери очиқ усулда ишлаб келинмоқда. Кон Олмалиқ кон-руда раёни оралиғида Олмалиқ шаҳридан 3 км шарқий томонда жойлашган.
Aсосий руда жойлашадиган жинслари: сийенит-диорит, гранодиорит-порфирларнинг шток билан ёрилган диорит ва сиенитлардир. Рудали менерализация шток екзоконтактида тўпланган ва сиенит-диоритли мажмуа жинсларида локализацияланади. Гранидиорит-порфирлар таркибида деярли руда бўлмайди.
Режада Қалмоқир конининг рудали штокверки еллипссимон шаклда бўлиб, 1,5 км ени билан шимолий-ғарб йўналишида 3,7 кмга чўзилиб кетган. Руда чуқурлашуви 850 метргача кузатилган. Карернинг ўлчамлари: узунлиги - 4,2 км; ени - 1,7 км; нисбий чуқурлиги - 380-600 м.
Конда иккита табиат туридаги руда оксидланган ва сулфидли рудалар ажратилади, оксидланган руда деярли тўлиқ ишлаб бўлинган. Бирламчи сулфидланган рудалар 150 тадан кўпроқ минерал билан ифодаланган бўлиб, улардан халкопирит, пирит, халкозин ва молибденитлар асосийларидир. Олтин ва кумуш халкопирит ва қисман пиритнинг кристалл панжаралари билан боғлиқ бўлиб кичик қисми соф ҳолдаги кўринишга ега. Қолган барча йўлдош компонентлар: олтингугурт, селен ва теллурлар ҳам юқорида қайд етилган минерал билан боғланган. Фақат молибден ва ажратиб олинадиган ренийнинг асосий қисми молибденит билан боғлиқдир. Қалмоқир конининг сулфидланган рудаларни енгил бойитувчан бўлиб улардан мис ажратиб олиш 75-80% ташкил етади.
Ҳозирги вақтда карерда тоғ жинсларини ташишда комбинацияланган тизим қўлланилмоқда. Пастки қатламлардан - тоғ жинслари автотранспорт орқали юқорига олиб чиқилиб темир йўл транспортига қайта ортилади, устки қатламда - темир йўл транспорти билан ташилади. Руда темир йўл думкарлари орқали 8 км узоқликда бўлган бойитиш фабрикасига етказиб берилади. Қоплама жинслари темир йўл транспортида ағдармага олиб чиқиб ташланади. Карерда кон массасини ортиб ташиш учун 24 та екскаватор, 18 та бурғулаш станоклари (СБСҲ-250, МН-A-32), отвалларга 9 та екскваторлар жалб қилинган.
Коннинг рудалари бой таркибли ҳисобланади. Мис ва йўлдош компонентларнинг штокверк оралиғидаги тақсимланиши нотекис. Қалмоқир кони рудаларининг саноатдаги асосий қийматини олтин ва мис ташкил етади, руданинг таркибидаги кумуш, молибден, олтингугурт, селен, теллур, ренийлар ҳам рудалар бойлигини кўрсатади. Қалмоқир конининг геологик заҳиралари 01.01.2013 йил ҳолатига кўра мис бўйича 5,55 млн. тонна, молибден бўйича 98,4 млн. тоннани ташкил етади.