Ўзбекистан темир йўллари

ДСП __________ (станция номи ва имзо)».


178. Барча турдаги сигнализация ва алоқа воситалари ишламай қолгунга қадар алоқа тўхташи билан поездларни жўнатишга устунлик хуқуқини қўлга киритувчи станция навбатчиси томонидан ўрталаридаги алоқа узилган станциялар чегараловчи перегонга устун бўлмаган (жуфт) йўналишдаги поездни жўнатишга розилик берилган бўлса, перегон ушбу поезднинг етиб келиши ёки қўшни станция (пост) дан поезднинг жўнатилмаслиги тўғрисида хабар олинмагунча перегон банд ҳисобланади.
Розилик жуфт йўналишдаги поездни туташув постига жўнатиш учун берилган бўлса, перегон поезднинг етиб борганлиги ва туташ йўлга ўтказилганлиги тўғрисида хабар келгунча банд ҳисобланади.


179. Барча турдаги сигнализация ва алоқа воситалари ишламай қолгунга қадар ёрдамчи пост навбатчисига туташ йўлдан тоқ йўналишдаги поездни жўнатишга рухсат берилган бўлиб, навбатчидан ушбу поезд жўнатилганлиги тўғрисида хабар олинган бўлса, алоқа узилганидан сўнг, перегонга устун йўналишда поездларни жўнатадиган станция навбатчиси перегоннинг постдан станциягача бўлган қисмини жўнатилган поезд босиб ўтиши учун зарур бўлган вақтга уч минут қўшиб ҳисобланган вақт оралиғидан сўнг, қўшни станцияга шу йўналишда биринчи поездни юборишга рухсат этилади.
Туташув постидан тоқ йўналишда поезд жўнатилгани тўғрисида хабар олинмаган бўлса, перегон пост навбатчисидан поезд жўнатилганлиги ва туташув стрелкаси асосий йўл бўйлаб ўрнатилганлиги ёки поезднинг жўнатилиши кечиктирилганлиги тўғрисида хабар олингунга қадар банд ҳисобланади.
Алоқа узилгунга қадар туташув постидан яна туташувга қайтадиган поезднинг жўнатилиши келишилган ҳолатларда ҳам, постдан тегишли хабар олингунга қадар, перегонга поездларни жўнатиш тақиқланади.


180. Алоқа узилиши билан устун йўналишда биринчи поездни жўнатиш хуқуқини оладиган станция навбатчисига алоқа узилгунга қадар поездни жўнатишга рухсат берилган бўлса, ушбу йуналишда поездни жўнатиш билан бир пайтнинг ўзида у қўшни станция навбатчиси билан ёзма алоқа ўрнатиши шарт.


181. Сигнализация ва алоқани тегишли воситаларининг ҳаракати тиклангандан сўнг, ушбу алоқа турлари бўйича поездларнинг ҳаракати аввалдан перегоннинг бўшлигини текшириб кўриши лозим бўлган поезд диспетчерининг буйруғи билан амалга оширилади.


182. Сигналиация ва алоқа воситаларининг фаолияти диспетчерлик алоқасидан олдин тикланса, устун йўналишда поездларни жўнатиш хуқуқига эга станция навбатчиси қўшни станцияга қуйидаги шаклда телефонограмма узатади: