Ўзбекистан темир йўллари

«№ _______ поезд жезли бўйича жўнатиш келишилган. ДСП ___».


113. Поезд чиқиш светофори мавжуд йўлдан электр жезл тизими билан жиҳозланган перегонга жўнатилаётганда, жезл мавжудлигида бу светофорнинг тақиқ кўрсатмасидан ўтиш унда ойдин-оқ чироқ ёнаётганда қизил чироғининг ўчиқ ҳолатида рухсат берилади.
Ойдин-оқ чироқни ёқишнинг иложи бўлмаса, поезд жезл бўйича жўнатилади. Бу ҳолда станция навбатчиси машинистга (шахсан, стрелкали пост навбатчиси ёки сигналчи орқали, радио алоқа бўйича) ойдин-оқ чироқни ёқишни иложи йўқлиги ва жўнатиш маршрути тайёрлиги хақида хабар қилиши лозим.
Поезд чиқиш светофори мавжуд йўлдан жўнатилаётганда жезл бир пайтнинг ўзида чиқиш светофорининг тақиқ кўрсатмасини ўтиш хуқуқини беради.


114. Агар жўнатиш учун жезл чиқарилганидан cўнг поезд бирон сабаб оқибатида жўнатилмаса, станция навбатчиси жезлни аппаратга солиши, бу хақда қўшни станция навбатчисига хабар қилиши ва поездлар ҳаракати журналида бу тўғрида қуйидаги ёзувни киритиши лозим:


«№ _____ поезд ушланиб қолди».


115. Перегондан жўнатилган станцияга қайтадиган поезд жўнатилаётганда локомотив машинистига жезл одатдаги тартибда берилади. Қўшни станция навбатчисига поезд жўнатилганлиги хақида ҳам, перегондан қайтгани хақида ҳам хабар қилинади.


116. Перегоннинг бошидан охиригача борадиган сурувчи локомотивли поезд жўнатилганда етакчи локомотивнинг машинистига жезлнинг "Билет" ёзувли, сурувчи машинистига эса "Жезл" ёзувли қисми тақдим этилади.
Жўнатиш станцияси навбатчиси йўлни сўроқлаганда қўшни станциянинг навбатчисини у томонга сурувчи локомотивли поезд кетаётгани хақида огоҳлантиради.
Сурувчи локомотив бутун перегон бўйлаб поезд таркибига уланган ҳолда ҳаракатланса, жезл фақат етакчи локомотив машинистига тақдим этилади.


117. Агар жезл аппаратлари бураб очиладиган жезллар билан жиҳозланмаган бўлса, таркибга уланмасдан бутун перегон бўйлаб ҳаракатланувчи сурувчи локомотивли поездни жўнатиш зарурати туғилса, жезл тизимининг амал қилиши тўхтатилади ва поездлар ҳаракати телефон алоқаси орқали амалга оширилади.


118. Перегондан жўнатилган станцияга қайтадиган поездлар жўнатилаётганда етакчи локомотив машинистига жезл, сурувчи локомотив машинистига – жезл-калит берилади.
Жезл-калитлар шунингдек перегонларда туташувчи шаҳобча йўлларига вагонларни бериш (олиш) ни ташкил қилишда ҳамда жўнатилган поезд орқасидан ДАТК ташишларни ташкил қилиш бошқармаси бошлиғи томонидан белгиланадиган ҳаракат хавфсизлиги талабларига риоя қилиб, кейинчалик жўнатилиш станцияга қайтиб келадиган хўжалик поездларини жўнатишда фойдаланилади.


119. Поезд перегондан жўнаган станциясига сурувчи локомотив билан қайтаётганда, жезл аппаратлари жезл-калитлар билан жиҳозланмаган бўлса, жезл тармоғи фаолияти тўхтатилиб, поезд ҳаракати телефон алоқаси орқали амалга оширилади.