327. ТФҚ нинг 204 бандига мувофиқ, станция йўлларидаги ҳаракат таркиби чегара устунчалари билан белгиланган чегара ичида жойлаштирилиши лозим.
Станция йўлларида локомотивсиз турган поезд таркиблари, вагонлар ва махсус ҳаракат таркиблари ўз-ўзидан кетиб қолишидан тормоз бошмоқлари, қўл тормозлари ёки ДАТК томонидан белгиланган бошқа маҳкамлаш воситалари билан ишончли маҳкамланиши лозим.
Вагонлар станция йўлларида ушбу Йўриқномашшг 2-иловасида келтирилган меъёр ва қоидаларга мувофиқ маҳкамланиши лозим.
Маҳаллий шароитлардан келиб чиққан ҳолда вагон ва таркибларни маҳкамлаш тартиби станциянинг техникавий-бошқарув актида кўрсатилиб, унда ҳар бир йўлда поездларнинг вагон ва таркиблари қай тариқа маҳкамланиши, ушбу операцияларни бажарадиган, шунингдек, вагон ғилдираклари остида маҳкамлаш воситаларини оладиган ёки қўл тормозларини қўйиб юборадиган кишилар ҳамда юқоридаги операциялар бажарилгани хақида кимга хабар қилиш кераклиги белгиланади.
328. Станция йўлларида қолдириладиган поезд таркиблари, якка ёки гуруҳ вагонлар ҳар бир ҳолатда локомотив узилгунига қадар станциянинг техникавий-бошқарув актида кўзда тутилган меъёрлар бўйича тормоз бошмоқлари билан маҳкамланиши лозим. Нишаблиги 0,0025 дан ошмайдиган қияликларда йўловчи поездлар локомотивлари алмаштирилганда 15 минутдан ортиқ бўлмаган муддат мобайнида таркибни маҳкамлаш учун поезд автотормозларидан фойдаланиш мумкин. Кўрсатилган вақт мобайнида локомотивларни алмаштириш имкони бўлмаса, таркиб белгиланган меъёрлар бўйича тормоз бошмоқлари билан маҳкамланиши лозим.
329. Станцияга келаётган поездлар локомотивлари машинистларига таркиб маҳкамланганлига хусусида маълумот олмасдан туриб, ундан локомотивни узишига рухсат этилмайди. Бундай хабар машинистга станциянинг техникавий-бошқарув актида белгиланган тартибда узатилади. Локомотивни поезддан узишдан аввал барча ҳолатларда машинист таркибни автоматик тормозлар билан тормозлаши шарт.
330. Станцияга узоқ муддат (24 соатдан ошиқ) туриш учун (резервда, вагон таъмир заводига узатилишини кутиб) келган вагонлар поездлар ҳаракатланиш маршрутидан ажратилтан, нишаблиги 0,0025 дан ошмаган йўлларга қўйилиши керак. Бундай вагонлар вагон ғилдиракларини тормоз бошмоқлари устига суриш усули билан маҳкамланиши лозим. Ишончли ва тўғри маҳкамланганлик станция бошлиғи, унинг ўринбосари ёки станция навбатчиси томонидан текширилиши керак.
331. Юк поездлари оралиқ станцияларда локомотивсиз вақтинча қолдирилганда, улар станцияиинг техникавий-бошқарув актида тегишли йўл учун белгиланган меъёрлар бўйича вагон ғилдиракларини тормоз бошмоқлари устига суриш билан махкамланади. Бундай поезд таркибларнинг тўғри ва ишончли маҳкамлангани станция бошлиғи ёки унинг ўринбосари томонидан текширилади. Улар поезд диспетчерининг кўрсатмасига биноан станцияга олдиндан чақириладилар ва тўғри маҳкамланганлик текшируви хақида унга хабар берадилар. Кўрсатилган раҳбарларнинг чақиртириш имкони бўлмаса, тўғри ва ишончли маҳкамланганлик шахсан станция навбатчиси томонидан текширилади ва у бу тўғрида поезд диспетчерига хабар қилади.
332. Нишаблиги 0,0025 дан ортиқ бўлган, поездларни қабул қилиш ва жўнатиш маршрутларига вагонларни кетиб қолишини олдини олувчи қурилмалар билан жиҳозланмаган станцияларда ёки станциянинг айрим йўлларида поездлар таркибини локомотивсиз қолдирилишга йўл қўйилмайди.
Бундай станциялар ва станция йўлларининг рўйхати ДАТК минтақавий темир йўл узели бошлиғининг буйруғи билан белгиланади.
Do'stlaringiz bilan baham: |