Ózbekistan respublikasi awil xojaliği ministrligi b. Yo. Toxtaev, E. T. Ахmеdоv, V. T. Qaysarov DÁrilik ósimlikler introdukciyasi

Geografiyalıq ornı. Ulıwma alǵanda, bizler joqarıdaǵı temalarda (floristik oblastlar) Jer sharınin floristik oblastlar boyınsha xarakteristikalap óttik. Atap aytqanda, Ózbekstan Respublikası Iran -Turan floristik oblastina tiyisli bolıp, Jer sharınıń Aziya kontinenti, Oraylıq Aziya bóleginiń orta bólegi yaǵnıy, Orta Aziyada jaylasqan bolıp, ol tiykarınan Afganistan, Tajikistan, Qirgizstan, Qazaqstan hám Turkmenistan Respublikaları menen shegaralas bolıp tabıladı. Ózbekstandı Tyan-shan (Shimyan, Shotqol, Qurama taw dizbekleri), Pomiro-Oloy (Hisor taw dizbekleri) hám basqalar qorshap turadı.
Ózbekstan aymaqliq jerleri (sırtı) geologiyaliq qásiyetleri hám xojalıq jaqtan paydalanıw múmkinshiliklerine qaray bir neshe regionlarǵa bólinedi. (K. Z. Zokirov 1967. Klassifikatsiyasi boyınsha)
1. Tegislik mintakasi wálayattıń qublasınan biyik jerler regionga shekem qumlaq shólden ibarat. Bul maydanlarda teńiz jatqiziqlari ústinde akkumulyativ jınıslar, keyingi dáwirlerdiń shól jatqiziqlari, samal alıp kelgen jınıslar keń tarqalǵan bolıp, sorlaqlar, kóldin ornı hám qum tóbelikleri ushraydı. Tegislik regioniniń ekinshi bólegi dárya hám de saylardıń keń jayilmalarinan ibarat.
2. Bálent jerler mintakasi. (teńiz qaddinen 600-1200 m. biyiklikte) Ferǵana oypatlıgında túrlishe bolıp, odan paydalanıwda da aymaqlıq ayırmashılıqlar bar. Ádirlar sırtı shúdigar hám diyqamshiliq etiw ushın bir qansha qolaysiz.
3. Tawli region 1100-1200 m. den baslap bálentlesip, taw aldı hám taw zonasına ótip baradı. Regionda dárya hám saylardıń oypatlıqlarında diyqanshiliq ushın jaramli maydanlar ushraydı.
4. Jaylaw region 3200-3500 m. den baslap joqarilasip, biyiklesip taw zonasınan joqarı zonaǵa ótip baradı. Regionda diyqanshiliq ushın jaramli maydanlar ushiramaydi.