Ózbekistan respublikası sanaat múlki haqındaǵı nızam. Tiykarǵı qásiyetleri

2. 2. Mámleketlik patent agentliginiń tiykarǵı wazıypaları

Oylap tabıw hám sanaat úlgisine berilgen dáslepki patent, paydalı modeline berilgen patent oylap tabıwdı mámleketlik patent agentligi tárepinen ótkerilgen dáslepki ekspertiza juwmaǵıǵa qarap beriledi. Arza beretuǵınnıń talabına muwapıq berilgen dáslepki patenttiń múddetine shekem patent alıw ushın ekspertiza ótkeriliwi múmkin. Arza boyınsha juwmaqlıq ekspertiza ótkerilgennen keyingina patent beriliwi múmkin. Sanaat múlkiniń tómendegilerge: paxta, ǵalle hám basqa awıl xojalıq ónimlerdi jetistiriwde jerge qayta islew, jıynaw hám qayta islew, sonıń menen birge geliotexnika, suwdı únemlew hám jerlerdi suwǵarıw texnologiyalarına berilgen arzalar ushın patent agentligi tárepinen dáslepki patent berilmeydi.

Isbilermenlik penen shuǵıllanıp atırǵan fizikalıq yamasa yuridikalıq shaxsqa shıǵarılıp atırǵan ónim hám kárxana ushın tavar belgisine gúwalıq beriledi.

Oylap tabıw ushın berilgen patent mámleketlik ruyxatınan ótkennen baslap 20 jıl múddetke beriledi.

Sanaat úlgisine berilgen patent mámleketlik ruyxatınan ótkennen baslap 10 jılǵa beriledi, ayırım qallarda, patent iyesiniń talabına muwapıq 5 jıldan uzaq bolmaǵan múddetke sozılıwı múmkin.

Oylap tabıwǵa berilgen dáslepki patent patent agentliginen ruyxattan ótken kúnnen baslap 5 jıl, sanaat úlgisine berilgen dáslepki patent 3 jıl ishinde haqıqıy dep esaplanadı.

Paydalı modelge berilgen patent agentliginen ruyxattan ótkennen baslap 5 jıl múddette haqıqiy esaplanadı. Eger patent iyesi múddetin uzaytırıw boyınsha usınıs kiritse taǵı 3 jıldan kóp bolmaǵan múddetke uzaytırılıwı múmkin.

Tavar belgisine berilgen gúwalıq patent agentliginen ruyxattan ótkennen keyin 10 jıl dawamında haqıqiy esaplanadı.

Oylap tabıw hám paydalı model ushın berilgen patenttiń huquqıy qorǵaw kólemi oylap tabıw formulası sheńberinde beriledi (oylap tabıwdıń teksti hám sızılmaları tek formulanı ańlatıw ushın arnalǵan); sanaat úlgisiniń huquqıy qorǵaw kólemi ónimniń súwretlerde, maketlerde kórsetilgen mánisli kursetkishler qosındısı menen belgilenedi, tavar belgisiniń huqıqın qorǵawı bolsa qaysı tavar ushın gúwalıq dizimge alınǵanlıǵı menen belgilenedi.

Ónimdi shıǵarıw usılı ushın alınǵan patent usı usıl menen shıǵarılǵan ónimge de tiysli boladı. Bunda shıǵarılǵan ónim patentlengen usıl menen shıǵarılǵan dep esaplanadı.

Qadaǵalaw sorawları :

1. Sanaat múlki haqındaǵı nızamnıń tiykarǵı wazıypaları nelerden ibarat?

2. Sanaat múlki ob'ektlerin qorǵaw kimniń wazıypasına júkletilgen?

3. Patent mekemesiniń tiykarǵı wazıypalarına neler kiredi?

4. Sanaat múlki Mámleketlik fondınıń tiykarǵı wazıypalarına neler kiredi?

5. Qaysı sanaat úlgilerine dáslepki patent beriledi?

6. Qaysı sanaat úlgilerine patent beriledi?

7. Oylap tabıw, paydalı model', sanaat úlgisine patent qansha múddetke beriledi?