Ózbekistan respublikasí joqarí HÁm orta arnawlí bilimlendiriw ministrligi

Awıl xojalıǵında ózgerisler. Batıs Evropada XVI-XVII ásirlerde awıllarda kapitalislik qatnaslıqlar qáliplese basladı. Biraq awılda miynet qurallardıń quramalasıwı, socialıq miynet bólistiriliwi, feodal islep shıǵarıw, qatnaslıqlardıń jemirliwi salıstırmalı túrde ástelik penen juz berdi.

Bul process eń tez pát penen juz bergen aymaq Angliya boldı. XVII ásir ortalarında Angliya agrar mámleket bolıp, xalıqtıń 4/5 bólimi awıllarda jasap, awıl xojalıǵı menen shuǵıllanǵan. XVII ásirdiń ózine tán tárepi sonda bul jerde Franciya hám Germaniyadan parıqlı ráuishte kapitalislik qatnasıqlardıń káliplesiwi awılda qalaǵa salıstırmalı túrde aldınlap ketti. Sol sebepli Angliya awılındaǵı ózgerisler ilimde «Agrar revolyuciya» dep ataldı.

Jer kapital kiritiwdin paydalı tarawına aylanıp qaldı, lordlar joqarı renta tólewler esesine úlken-úlken jerlerdi ijaraǵa bere basladı. Nátiyjede revolyuciyadan aldınǵı Angliyada jer hám renta ushın gures jámiyette júz berip atırǵan qarama qarsılıqlardıń tiykarın payda etti.