Ózbekistan respublikasí joqarí HÁm orta arnawlí bilimlendiriw ministrligi

Tayanish so’zler: Manufaktura, Georgiy Agrikola, Tartalya, “Agrar revolyutsiya”, “Levantiy”, “Moskoviya “ kompaniyası, oylap tabıular. kala.
XVI ásirdin dáslepki jıllınan baslap bir qatar Batıs Evropa mámleketlerinde islep shıǵarıwshı kushlerdiń rawajlanıwı juz berdi hám áste aqırılıq penen kapitalislik qatnasıklardıń qáliplesiwine alıp keldi.

Ishki migraciyalıq processler. Jámiyet islep shıǵarıwshı kushleriniń tiykarǵı quram bólegi insanlar esaplanadı. Sonıń ushın islep shıǵarıwshı kushler rawajlanıw tariyxında ahimietli orın tutadı. Jańa dawir baslarında Evropa mámleketlerinde kóp balalı shańaraqlar sanı artıp bardı. Qala turǵınları tiykarınan awıldan yamasa kem rawajlanǵan qalalardan kóship kelgenler esabınan kóbeygen. 40-50 jas “ǵarrılar” esaplanǵan. Qalalarda hayallar sanı erkeklerge salıstırǵanda 20-30 % kóp edi.

XVI - XVII ásirler evropa xalıqlar tariyxında ótiw dawiri, jańa kapitalislik qatnaslıklardıń qáliplesiw dáwiri boldı. 30 jıllıq urıs bolıp ótken aymaqlar qala xalqı 33 %, awıl xalqı bolsa 40 % kemeydi. Niderlandiyadaǵı revolyuciya hám azatlıq ushın gures procesinde kóplegen xalıq qırǵınǵa ushıradı.

Xalıqtıń kúsheyip baratırǵan migraciya procesleri túrli baǵdarlarda júz berip atırǵan bolsada, rawajlanıwı tómen mámleketlerden tez rawajlanıp atırǵan mámleketlerge, qalalarǵa, paytaxtlarǵa kóplep kóship keliwi kózge taslanadı. 1584-1621 jılları Qubla Niderlandiyadan 150 mıń immigrant, ásirese sawdagerlerdiń kóship keliwi birlesken provinciyalar respulikasınıń tez pát penen ekonomikalıq rawajlanıwına alıp keldi. Xalıq tıǵızlıǵı Evropanıń rawajlanǵan mámleketlerinde 1 kv.km 30-35 adamdı kuraǵan. 1514-jıl Gollandiya xalqı 15 % qalalarda jasaǵan.