Ózbekistan respublikasĺ informaciyalĺq texnologiyalarĺ HÁm kommunikaciyalarĺn rawajlandĺRĺw ministrligi muhammed al-xorezmiy atĺndaǵĺ TASHKENT informaciyalĺq texnologiyalarĺ universiteti

Siziqli struktura

Siziqli struktura basqariw strukturasinin’ en’ a’piwayi tu’ri esaplanadi,
Bunda basqariwdin’ ba’rshe funkciyalari ka’rxana basshisi qolinda bolip, ba’rshe to’mengi basshilar ha’m islep shig’ariw yacheykalari og’an boysinadi. Ha’r bir basshi o’zine isenip tapsirilg’an bo’lim iskerligin jeke basshiliq tiykarinda basqaradi ha’m za’ru’r qararlardi jeke o’zi qabil qiladi.
Bag’iniwshi isshiler tek g’ana o’zinin’ basshilarinin’ buyriqlarin orinlaydi. Joqari turiwshi basshilar isshilerge o’zlerinin’ basshilig’inan tisqari mu’rajet etpewi kerek. Ma’selen, ka’rxana direktori cex basshilig’in sheklep masterge buyriq bermewi kerek.
Siziqli strukturanin’ o’zine ta’n unamli ha’m unamsiz ta’repleri bar.
Siziqli strukturanin’ unamli ta’repleri:
- o’zara tig’iz buyriqlar berilw jag’daylari kemeyedi;
- jeke basshiliq ha’m shaxsiy juwapkerlik sheklenedi;
- bul struktura a’piwayi, puqta ha’m tejemli;
- basqishlar sani kem boladi;
- basqariliwshi obekt ishine kem adamlar aralasadi;
- waziypalar tez sheshiledi;
- pu’tkil sistema o’nimli isleydi;
- isshiler tek g’ana o’z basshisina esabat beredi;
Siziqli strukturanin’ unamsiz ta’repleri:
- bunday struktura a’piwayi ma’seleni sheshiwge mo’lsherlengenligi sebepli komplek ma’selelerdi sheshiw qiyin boladi;
- bunday jag’dayda basshilar ko’birek tezkor isler menen ba’nt bolip, strategik mashqalalardi itibardan shette qaldiradi;
- bunday basqariw jag’dayinda buyriqpazliq ha’m ra’smiyatshiliqtin’ payda boliw qa’wipi ku’shli boladi, bug’an sebep, strukturanin’ ha’r bir buwininda basshi o’z lawazimi boyinsha waziypa beriw huquqina iye boladi;
Basqariwdin’ siziqli strukturasi quramali bolmag’an islep shig’ariliw jag’dayinda atqariwshinin’ waziypalari a’piwayi, buyriq ha’m informaciyalar ko’lemi kem bolg’anda o’zin aqlawi mu’mkin. Islep shig’ariw quramalilasip, is ko’leminin’ ken’eyip bariwi basqariw funkciyalarin bo’listiriwdi talap etedi, siziqli strukturanin’ ornina siziqli-shtabli strukturani qollawdi talap etedi.

2.