‘zbekist0n respublikasi oliy va ‘rta maxsus ta’lim vazirligi

nisbatan belgilanadigan huquq va majburiyatlar hamda ularning amalga
oshirilishi juda muhimdir.
Fikrimizcha, yuqoridagi holatlardan kelib chiqib, FKning 79-
moddasiga quyidagicha o‘zgartirish kiritish zarur:
— davlat, uning organlari, mahalliy hokimiyat organlarining fuqaro-
lik-huquqiy munosabatlardagi ishtirokiga nisbatan, shu munosabat-
lardagi yuridik shaxs ishtirokini tartibga soluvchi me’yorlar qo‘llaniladi,
agar qonundan yoki ushbu subyektlarning xususiyatlaridan o ‘zgacha
ma’no anglashilmasa.
Umumiy qoidaga ko‘ra, fuqarolik-huquqiy munosabatlarda har
birsubyekt o ‘zining nomidan harakat qilishi lozim. Bu qoida fuqarolar-
ga ham, yuridik shaxslarga ham taalluqlidir. Davlat ham fuqarolik
muomalasida o ‘z nomidan qatnashadi. «Davlat» tushunchasi mavhum
hisoblanganligi uchun ham fuqarolik-huquqiy munosabatlarda davlat
nomidan uning organlari ishtirok etishi zarur. Chunki keyinchalik
yuzaga keladigan majburiyatlarga nisbatan javobgarlikni belgilashda
bu holat muhim hisoblanadi.
Fuqarolik-huquqiy munosabatlarda davlat nomidan ishtirok etishi
mumkin bo‘lgan subyektlar doirasi FKning 79-moddasi 2-qismida
belgilangan. Unga ko‘ra, fuqarolik qonun hujjatlari bilan tartibga
solinadigan munosabatlarda davlat nomidan davlat hokimiyati va
boshqaruvi organlari hamda ular maxsus vakil qilgan boshqa maxsus
organlar ishtirok etadilar. Aynan qaysi fuqarolik-huquqiy munosa-
batlarda, qaysi davlat oiganining ishtirok etishi shu oiganning funksiyasi,
tuzilish maqsadi va faoliyat doirasidan kelib chiqib belgilanadi.
Bu normada fuqarolik-huquqiy munosabatlarda davlat nomidan
kimlar ishtirok etishi aniq belgilanmagan. Shu bilan birga, bu to‘g‘risida
aniq qoidalar mustahkamlanmagan.