Ўзбекиcтон Республикаси Конституциясига киритилаётган айрим ўзгаришлар тўғрисида

Мавзу
Меҳнатга ҳақ тўлашнинг энг кам миқдори инсоннинг муносиб турмуш кечириши учун етарли бўлиши шарт
Конституцияга киритилаётган ўзгариш	42-модда. (Биринчи қисм) Ҳар ким муносиб меҳнат қилиш, касб ва фаолият турини эркин танлаш, хавфсизлик ва гигиена талабларига жавоб берадиган қулай меҳнат шароитларида ишлаш, меҳнати учун ҳеч қандай камситишларсиз ҳамда меҳнатга ҳақ тўлашнинг белгиланган энг кам миқдоридан кам бўлмаган тарзда адолатли ҳақ олиш ҳуқуқига, шунингдек ишсизликдан қонунда белгиланган тартибда ҳимояланиш ҳуқуқига эга. (Иккинчи қисм) Меҳнатга ҳақ тўлашнинг энг кам миқдори инсоннинг муносиб турмуш даражасини таъминлаш зарурати ҳисобга олинган ҳолда белгиланади. (Учинчи қисм) Ҳомиладорлиги ёки боласи борлиги сабабли аёлларни ишга қабул қилишни рад этиш, ишдан бўшатиш ва уларнинг иш ҳақини камайтириш тақиқланади.
Тезислар	Меҳнатга ҳақ тўлашнинг энг кам миқдорининг белгиланиши биринчи навбатда ҳар бир фуқаронинг қилган меҳнати қадрланиши ҳамда ўз меҳнатига яраша ҳақ олиш кераклигини билдиради. Бу биринчи навбатда иш берувчиларни одилона меҳнатга ҳақ тўлаши мажбуриятини янада мустаҳкамлайди. Ишчиларнинг ўз меҳнатига яраша ҳақ талаб қилишини мустаҳкамлайди. Бу қоиданинг ўрнатилиши биринчи навбатда ишчи ходимларнинг пул топиш илинжида бошқа ишларни бажаришга уринишлари камаяди натижада бор эътиборини ўз касбига қаратади. Натижада фуқаро фаолият олиб бораётган соҳанинг ҳам ривожига туртки бўлади. Чунки унинг хаёли ўз касбига қаратилган бўлади. Ходим қаерда ишлашидан қатъи назар – давлат ёки нодавлат ташкилотларидами, тадбиркорлик субъектларидами иш берувчи томонидан тўланадиган иш ҳақининг энг кам миқдори унинг муносиб турмуш даражасини таъминлаши керак. Меҳнат қилаётган ҳар бир инсон асосий эҳтиёжларини қондириш учун етарли маблағга эга бўлиши лозим.