Ўзбек-Хитой қўшма илмий-техник лойиҳалар танлови

Ўзбек-Хитой қўшма илмий-техник лойиҳалар танлови

Ўзбекистон Республикаси Инновацион ривожланиш вазирлиги ва Хитой Халқ Республикаси Фан ва техника вазирлиги ҳамкорликдаги илмий-техник лойиҳалар танловини эълон қилади.
Лойиҳаларни бажариш Ўзбекистон Республикаси Инновацион ривожланиш вазирлиги ва Хитой Халқ Республикаси Фан ва техника вазирлиги ўртасида имзоланган ҳамкорлик шартномаси доирасида амалга оширилади.
Танловда иштирок этиш истагини билдирган олий таълим ёки илмий-тадқиқот муассасалари Хитой Халқ Реcпубликасидан “лойиҳани амалга ошириш бўйича ҳамкор” топишлари ва лойиҳани бирга амалга ошириш учун розилик хати олишлари шарт.
Танловга фақат битта ижрочи томонидан тақдим этилган лойиҳалар, шунингдек экспертиза натижалари бўйича бир томонлама ёки ҳар икки томондан ҳам молиялаштириш рад қилинган лойиҳалар танловдан четлаштирилади.
Ушбу танлов илм-фаннинг куйидаги йўналишлари бўйича ўтказилади:

1. 
   Ҳужайра ва молекуляр биотехнология;
   
2. 
   Тиббий-генетик ва экофизиологик тадқиқотлар;
   
3. 
   Энергиятежамкор автоматлаштирилган тизимлар;
   
4. 
   Материалшунослик ва қурилиш материаллари;
   
5. 
   Озиқ-овқат маҳсулотлари ва технологиялари;
   
6. 
   Қайта тикланувчи энергия манбалари;
   
7. 
   Астрономия;
   
8. 
   Геология;
   
9. 
   Фармацевтика.
   

Лойиҳаларни тақдим қилиш муддати: 2019 йил 27 ноябргача.
Лойиҳани амалга ошириш муддати 24 ойдан ошмаслиги лозим.
Танловга ҳужжат топшириш талаблари ва лойиҳа шакли шу ердан кўчириб олинади. Ариза шакли тўлиқ инглиз тилида тўлдирилиши ва белгиланган муддатдан кечиктирмай Инновацион ривожланиш вазирлигига тақдим этилиши лозим.
Танлов натижалари жорий йилнинг декабрь ойида Инновацион ривожланиш вазирлигининг расмий веб-саҳифасида эълон қилинади.
Қўшимча маълумот:
[e-mail] ёки (71) 203-32-23 (ички: 260).