Ўзбек халқининг кўп асрлик тарихида миниатюра санъати бой ва ранг-баранг маданий меросимизнинг ажралмас қисмини ташкил этади

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ

“ТАСВИРИЙ САНЪАТ” ТЎГАРАГИ

ЎҚУВ ДАСТУРИ

ТОШКЕНТ-2016

Муаллифлар:	Ў.Расулов – “Баркамол авлод” республика болалар бадиий ижодиёт маркази тўгарак раҳбари
	Р.Бобоқулов – “Баркамол авлод” республика болалар бадиий ижодиёт маркази Ўқувчиларни ижодий камол топтириш гуруҳи раҳбари
Тақризчилар:	Н.Шомансурова – “Баркамол авлод” республика болалар бадиий ижодиёт маркази директор ўринбосари
	Э.Соседова–Республика рассомчилик коллежи ўқитувчиси
	Х.Мамадалиев - Республика рассомчилик коллежи ўқитувчиси

Ушбу ўқув дастури Республика Таълим маркази ҳузуридаги Маънавий-маърифий йўналишдаги Илмий методик кенгашининг 2016 йил 15 июлдаги 6-сонли навбатдан ташқари йиғилиш қарори билан фойдаланишга тавсия этилган.

“ТАСВИРИЙ САНЪАТ” ТЎГАРАГИ ЎҚУВ ДАСТУРИ

КИРИШ

Ёш авлодга бадиий таълим-тарбия беришда тасвирий санъат муҳим аҳамиятга эгадир. Теварак-атроф, борлиқни эстетик жиҳатдан идрок этиш ва ўрганишда тасвирий санъат турларининг (қаламтасвир, рангтасвир, композиция, графика, ҳайкалтарошлик, халқ миллий амалий санъати ва ҳ.к) моҳияти каттадир. Тасвирий санъатнинг бу турлари бўйича тўгарак аъзоларига чуқурроқ билим бериш жараёни эса мактабдан ташқари таълим муассасаларида амалга оширилади ва ўз навбатида уларга нафосат тарбияси бериш муаммосининг муваффақиятли ҳал этилишида савияли мутахассисларнинг етарли бўлиши талаб этилади.

“Тасвирий санъат” тўгараги аъзоларининг тасвирий санъатга бўлган қизиқишларини ошириш, уларнинг ички оламини, дунёқарашларини, орзуларини қоғозда акс эттиришга ўргатишдан иборат.
“Тасвирий санъат” тўгарагига 6 ёшдан 16 ёшгача бўлган ўқувчилар жалб қилинади.
“Тасвирий санъат” тўгарагининг ўқув режаси бир ўқув йилига мўлжалланган.
Мазкур ўқув дастури Халқ таълими вазирлигининг 2015 йил
31 мартдаги 7-мҳ-сонли буйруғи билан тасдиқланган мактабдан ташқари таълимга қўйиладиган давлат талаблари асосида ишлаб чиқилган.
Ушбу ўқув дастурида берилган мавзулар ва мавзуга оид соатлар миқдори (216 соатдан чиқмаган ҳолда) ҳудуднинг ва тўгаракларга жалб қилинган болаларнинг ёш хусусиятларидан келиб чиққан ҳолда тўгарак раҳбари томонидан 25 фоизгача ўзгартирилиши мумкин.

“Тасвирий санъат” тўгараги ўқув дастури