Zaynalov N. R., Aliyev N. A., Muxamadiyev A. N., Qilichev D. N bitli skremblerni qurish va takrorlanish davrini hisoblash. Uslubiy ko‘rsatma. Samarqand: tatu sf nashri, 2020,20 b

So‘zsiz bardoshli kriptoalgoritmlarning xavfsizligi kalitni ochish mumkin emasligini isbotlovchi teoremalarga asoslanadi. Masalan, Vernam shifri (bir marta foydalaniladigan kalitli) so‘zsiz bardoshlidir. Xattoki, shifrmatnni bir qismini deshifrlashga erishilgan taqdirda ham to‘liq shifrmatnni ochish imkoni mavjud emas.
Bir martali kalit muammosini yechish maqsadida skremblerlash usuli ishlab chiqilgan.

2. Skremblerlash algoritmini amaliy qo‘llash asoslari

Skremblerlash jarayoni (ingl. scramble - aralashtirish) – bu teskarilash xossasiga ega bo‘lgan jarayon bo‘lib, raqamli oqimda tasodifiylik xossasiga yaqin bo‘lgan bitlar ketma-ketligini shakllantirishga qaratilgan. Bunda raqamli oqim bilan ishlash tezligi o‘zgarmaydi. Eng muhimi, boshlang‘ich matnni tiklash uchun algoritm teskari qo‘llaniladi.
Skremblerlash jarayoni bevosita ma’lumotlar oqimidagi har bir bitni o‘zgartirishga yo‘naltirilgan. Bunda amaliyotda asosan XOR (formulalarda asosan ⊕ deb belgilanadi) operatsiyasi qo‘llaniladi.Ushbu operatsiyasini eslatib o‘tamiz:

1-bit	2-bit	⊕
0	0	0
0	1	1
1	0	1
1	1	0

Skremblerlash jarayoni simmetrik algoritm bo‘lib, XOR operatsiyasining mohiyatidan kelib chiqadi, chunki ushbu operatsiyasini 2 marta qo‘llash boshlang‘ich qiymatni qaytaradi. Ushbu jarayon 1-rasmda keltirilgan:

1-rasm. Bir martali gammalash sxemasi

Skrembler bevosita axborot oqimi bilan birgalikda parallel ravishda amalga oshiriladi. Natijada shifrmatn hosil qilinadi. Bunda to‘g‘ri va teskari jarayonlarda Xor amali qo‘llaniladi.

Hosil qilinadigan bitlar takrorlanuvchi jarayon bo‘lib, bunda boshlang ‘ich kalitdagi bitlar skremblerda berilgan sxema bo‘yicha Xor amali bilan qo‘shilib boriladi. Kalitdagi bitlar o ‘ngga bir xonaga siljitiladi, olingan natijaviy bit esa chap tomondan qo‘shiladi. O‘ng tomondagi bit axborot oqimidagi bitga qo‘shiladi va shifrmatn tashkil etildi (2-rasm).

2-rasm. Skrembler sxemasi va shifrlash jarayoni

Skremblerning bunday oddiyligi natijasida uning elektron sxemalarda ham qo‘llash imkonini beradi. Boshlang‘ich matnni tiklash ham aynan shu usulda amalga oshiriladi.

Kodlash bitlarini shakllantiradigan qurilmasidagi bitlar soni skremblerning razryadi deb ataladi. Yuqoridagi 2-rasmda keltirilgan skremblerning razryadi 5 teng. Ushbu qiymatni kattalashtirish bevosita kriptomustahkamlikni belgilab beradi.
Bu yerda e’tiborli jihat shundaki, skrembler kodlari ma’lum bir qadamdan so‘ng takrorlanishni boshlaydi. Ushbu muammo bitlar soni bilan bog‘liq, shu bois ushbu kamchilikni tuzatib bo‘lmaydi. Haqiqatan, bitlar soni N bo‘lsa, unda kombinatsiyalar soni 2^N bo‘ladi, demak ko‘pi bilan 2^N-1 –qadamdan so‘ng takrorlanish sodir bo‘ladi. Bo yerda nollardan tashkil topgan kombinatsiya minus qilingan.
Skremblerning har xil holatlarini graf shaklida tasvirlash ham mumkin. Quyidagi 3-rasmda 3-razryadli skrembler uchun graflar keltirilgan. Bu yerdagi "a" variantda "000">>"000" sikldan tashqari 3 va 4 holatli graflar keltirilgan. Keyingi "b" variantda 3 holatli grafda siklni ko‘rish mumkin va bu sikldan chiqib bo‘lmaydi. Oxirgi "c" variantda barcha holatlar bitta katta siklga birlashtirilgan. Aynan shunday variantda barcha 2^N-1 holatli tizim amalga oshiriladi.

3-rasm. 3-razryadli skrembler uchun graf varantlari

Skrembler orqali tashkil etiladigan bitlar ketma-ketligining uzunligini oshirish uchun N darajali polinom mod 2 bo‘yicha ikki polinom ko‘paytmasiga tasvirlanmasligi kerak. Masalan, 3-darajali polinomni x³+x+1 ko‘paytmalar shaklida tasvirlab bo‘lmaydi. Ushbu polinomni ikkilik sanoq tizimida tasvirlash qabul qilingan, ya’ni 1011₂ . Ushbu polinomdan skrembler tashkil qilish uchun yuqori razrayd o‘chiriladi va 011₂ hosil qilinadi. Ushbu skremblerning sikli 7(=2³-1) ga teng bo‘ladi.

Quyidagi polinom x⁷ + x⁶ + x² uchun skrembler sikl uzunligini hisoblashda boshlang‘ich 1001111₂ holat uchun quyidagi ketma-ketliklarni shakllantiramiz (4-rasm):