Ўзаро ҳамкорлик тўғрисида

Ўзаро ҳамкорлик тўғрисида


Ш А Р Т Н О М А №_______

2021 йил «__» _______ Самарқанд шаҳри

Мазкур шартнома бир тарафдан Ўзбекистон Республикаси Олий ва ўрта махсус таълим вазирлиги Самарканд Давлат университети (кейинги ўринларда «Университет» деб номланади) номидан профессори Р.И.Халмурадов ва иккинчи тарафдан “Ургут тумани давлат хизматлари маркази” (кейинги ўринларда “Корхона”) корхона директори М.А.Халиков билан ушбу шартномани қуйидагилар ҳақида туздилар.

1. 
   Шартнома предмети
   

1.1. Университет 2020-2021 ўқув йиллари давомида Инсон ресурсларини бошқариш факультети кундузги бўлим бакалавриат йўналиши 4 курс талабалари учун ишлаб чиқариш амалиётини талаб ва таклифлардан келиб чиққан ҳолда ўтказилишини ўз олдиги мақсад қилиб қўяди.

2. 
   Шартнома муддати
   

2.1. Мазкур шартнома 1 йил муддатга тузилади. Агар тарафлардан бири келгусида мазкур шартнома юзасидан фикр-мулоҳаза билдирмаса, шартнома ўз кучини сақлаб қолади.

3. Тарафларнинг ҳуқуқ ва мажбуриятлари

3.1. Корхона;

- “Ургут тумани давлат хизматлари маркази” да амалиётини ўташ учун юборилган талабаларни шартномага биноан қабул қилади.
- Амалиёт Корхона ҳамда олий ўқув юртларининг раҳбарияти билан ҳамкорликда келишилган жадвал асосида, корхонада ўтказилади.
- Талабалар амалиётини ўташ муддатлари Университет ва Корхона ўртасида келишув асосида амалга оширилади.
Талабалар амалиёти бошлангандан сўнг университетдан тайинланган рахбар ўқитувчиларга амалиётни ўташ учун етиб келган талабалар ҳақидаги маълумотлар сўровга биноан корхонанинг тегишли қуйи тизими рахбарлари томонидан тақдим этилади.
- Корхона раҳбарияти талабаларнинг олий ўқув юртларида олган назарий билимларини амалиётга тўғри тадбиқ этишлари учун шарт-шароитларни яратиб беради, Корхона бошқарувчилари томонидан уларга тажрибали ходимлардан мураббийлар тайинланади.
- Мураббий амалиёт ўтаётган талабанинг амалиёт ўташ жараёнини қатъий назорат қилиб боради, талаба томонидан амалиёт дафтари юритилишини университетдан бириктирилган малакали мутахассис ўқитувчи билан ҳамкорликда ташкил этади.
- Амалиёт тугаганидан сўнг, унинг натижаси бўйича ҳар бир талабанинг дафтарига талабанинг амалиёт ўташ давомида эришган ютуқ ва камчиликлари кўрсатилишини таъминлайди.
- Малакавий ишлаб чиқариш амалиёти тугагач, талабанинг шахсий хислати, ишчанлик қобилияти ва камчиликлари, танлаган касбига муносабати ҳақида корхона бошқарувчилари томонидан тавсияномалар тузиб, имзоланади.
3.2. Университет;
- Амалиётни ўташ учун корхонага юборилган талабаларнинг рўйхати ҳамда амалиёт раҳбари ҳақидаги маълумотларни Корхонага амалиёт бошланишидан бир ой олдин кечиктирмасдан юбориш мажбуриятини олади;
3.3. Корхонада амалиётни ўташ Университетдан малакали мутахасис ўқитувчиларидан бирини амалиёт раҳбари этиб тайинлайди.
3.4. Талабалар амалиёти билан боғлиқ вужудга келган бошқа муоммоларни ўз вақтида ва самарали ечишга амалий ёрдам кўрсатади.


4. Бошқа шартлар
4.1. Университет;
- Корхонада назарияни амалиёт билан боғлаб олиб боришга амалий ёрдам берган ҳолда, қонунчиликдаги янгиликлар билан амалиёт ўтаётган талабаларни мунтазам равишда хабардор қилиб борилади.
- Талабалар амалиёти якунлари юзасидан белгиланган режага биноан махсус комиссия тузиш ва имтиҳонларни қабул қилишни улар иштирокида ташкил этади.
4.2. Университет Корхона билан ҳамкорликда;
- Корхона ходимлари билан 4 курс талабалари иштирокида амалий учрашувлар ўтказилиши ҳамда талабалар корхона фаолиятида ташкил этиладиган ўқув машғулотларига жалб этилиши мумкин.
Университет ва Корхона талабалар амалиёти билан боғлиқ юзага келиши мумкин бўлган муоммаларни биргаликда ҳал қилишни ўз зиммаларига оладилар.


Махсус қоидалар:
Мазкур шартнома молиявий жиҳатларни қамраб олмайди.
Тарафларнинг юридик манзиллари ва реквизитлари:

“Ургут тумани давлат хизматлари маркази”	«Университет» Самарканд Давлат Университети
Ургут тумани Навоий Шох кўчаси 104 уй, тел: [phone]	Самарқанд шаҳар Университет хиёбони 15 уй, тел: [phone], факс: [phone]
Директор	Ректор
___________М.А.Халиков	________________ Р.И.Халмурадов
«___» ________ 2021 йил	«___» ________ 2020 йил
	Инсон ресурсларини бошқариш факультети декани_________ Ш.Қ.Юлдашев
	Рақамли иқтисодиёт кафедраси мудири___________Б.Ш.Сафаров