Ўзархив” агентлигининг 2017 йил якунлари бўйича ҳисоботи I. Молиявий иқтисодий кўрсаткичлар

“Ўзархив” агентлигининг 2017 йил якунлари бўйича ҳисоботи


I. Молиявий - иқтисодий кўрсаткичлар
Ҳисобот даврида республика давлат архивлари пулли хизматларининг умумий ҳажми 2016 йилнинг шу даврига нисбатан ўсди ва 9 117,3 млн. сўмни ташкил этди, ўсиш суръати 133 % (2016 йил якунида – 6 883,6 млн сўм). Республика давлат архивлари томонидан пулли хизматлар асосан идоравий архивлар ҳужжатларига илмий-техникавий ишлов бериш, мавзули сўровларни бажариш ва меъёрий-услубий ҳужжатларни тайёрлашдан иборат бўлди.
Шу билан бирга, Вазирлар Маҳкамаси томонидан 2016 йил 12 февралда тасдиқланган 05-5-1-сон Чора-тадбирлар режаси ҳамда 2016 йил 17 февралдаги ЭДО-03/1-865-сон йиғилиш баёнига мувофиқ кўчмас мулк объектларининг кенг кўламдаги хатлови бўйича ҳокимликлар ҳузурида ташкил этилган комиссиялар томонидан келиб тушган сўровлар асосида 888,03 млн. сўммиқдоридаги пулли хизматлар бепул бажариб берилди.
“Ўзархив” агентлиги ва 3 та марказий давлат архивларининг 2018 йил
1 январь ҳолатига дебиторлик қарзлари мавжуд эмас (2016 йилнинг шу даврида
дебиторлик қарзлари мавжуд бўлмаган.).
“Ўзархив” агентлиги ва 3 та марказий давлат архивларининг 2018 йил
1 январь ҳолатига кредиторлик қарзлари мавжуд эмас (2016 йилнинг шу даврида кредиторлик қарзлари мавжуд бўлмаган).
Ходимларга пенсия ва нафақа тўловлари бўйича Чилонзор туман Пенсия фонди бўлими томонидан 2018 йил 1 январь холатига 3 062,0 минг. сўм миқдорида қарзлар мавжуд.
Агентлик ва Ўзбекистон Республикаси марказий давлат архивларининг молиявий-иқтисодий кўрсаткичлари бўйича маълумотлар 1-15 жадвалларда (иловада) берилмоқда.


II. Тармоқнинг ривожланиш тенденциялари, уларнинг 2016 йилнинг шу даврига нисбатан ўсиш динамикаси (%)


2.1. Тармоқ фаолиятини такомиллаштиришга қаратилган тадбирлар:
Ўзбекистон Республикасида архив ишини ривожлантиришнинг 2017 йил
2-ярим йиллигига мўлжалланган режаси 46 та кўрсаткичлар бўйича бажарилди,
31 та кўрсаткич бўйича ошириб бажарилди.
Хусусан, илмий-техник ҳужжатларни рўйхатлаш 507 (132 %) с.б (2016 йилда – 385 с.б); алоҳида қимматли ҳужжатларни аниқлаш 27 909 (111%) с.б (2016 йилда – 25 246 с.б); ҳужжатларни муқовалаш 79 993 (106%) с.б. (2016 йилда – 75 654 с.б); ҳужжатларни картонлаш 252 312 (115 %) с.б. (2016 йилда – 218 657 с.б); бошқарув ҳужжатларини мавжудлиги ва ҳолатини текшириш 1 290 224 (117 %) с.б. (2016 йилда – 1 101 961 с.б); илмий-техник ҳужжатларни мавжудлиги ва ҳолатини текшириш 16 422 (107 %) с.б. (2016 йилда – 15 346 с.б); бошқарув ҳужжатларини рўйхатлаш 459 075 (168 %) с.б. (2016 йилда – 273 059 с.б); шахсий келиб чиқишҳужжатларни рўйхатлаш 618 (102 %) с.б. (2016 йилда – 607 с.б); бошқарув ҳужжатлари хатловини такомиллаштириш ва қайта ишлаш 330 618 (102%) с.б. (2016 йилда – 322 988 с.б); бошқарув ҳужжатларини қимматдорлигини э кспертизалаш 246 665 (151%) с.б. (2016 йилда – 163 639 с.б); идоравий архивларда мавзули ўрганишлар ўтказиш 1 622 (107 %) та. (2016 йилда – 1 510 та); идоравий архивларда назорат ўрганишлар ўтказиш 887 (107 %) та (2016 йилда – 829 та); меъёрий-услубий ҳужжатларни тайёрлаш 2 242 (104 %) та (2016 йилда – 2 149 та); архив ходимларини малака ошириши 521 нафар (2016 йилда – 341 нафар);