Зардўзлик санъатининг ривожланиши

Shoxchai du ro`ya — ikki yoqlama shox degani, keyingi yillarda paydo bo`lgan tikish xillaridan biri. Tuzilishi jihatidan qarasang shoxsimon naqshlar ikki tomonga joylashgan bo`ladi.
Shoxcha — zamindo`zining bir turi bo`lib, shoxlar ajoyib ko`rinishda tasvirlanib, u do`ppilar atrofiga tikiladi. Shoxchadan ba`zi bir hoshiyalarda foydalanish mumkin.
Sambo`sa — u xuddi varaqi somsani eslatadi, shuning uchun tojikcha sambo`sa o`zbekcha somsa. Shuning uchun zar tikishning bu turini sambo`sa deb yuritiladi. Aylana do`ppilarda zar tikishning sambo`sa usuli ishlatiladi. Zamindo`zi o`rniga obi kofta tikiladi. «Kofta» tojik so`zidan olinib o`zbekcha kovlanib olingan degan ma`noni anglatadi. Obi kofta ikki xil ipak bilan tikib to`ldirib o`ziga xos ko`rinishdagi naqsh tasvirini beradi.
Shakarak — zar ip ikki qavat qilib o`rtaga eshilib yana ikki qavat qilib eshib tikish usulidir. Bu eshilgan zar ip bilan maxsus gullar hamda barglar tikiladi. Maxsus gullar sebarga, panj barga, chappado`zi, lolalar shakarak usulida tikilsa o`ziga xos nafis xamda go`zal chiqadi. Shakarak asosan guldo`ziga o`xshab ketsada ular bir-biridan farq qiladi. Masalan, shakarakda gullar hamda barglar alohida tovlanib va jilolanib ko`rinishga aniqlik kiritadi.