Занятия технологического обучения

5 Bakalavrning tayyorgarlik darajasiga қўyiladigan talablar

5.1 5112000 – Jismoniy madaniyat ta’lim yo‘nalishi bo‘yicha bitiruvchi quyidagi umumiy malakaviy kompetensiyalarga ega bo‘lishi lozim:

a) umumiy malakaviy kompetensiyalar:

• 
  intellektual, madaniy, axloqiy, jismoniy va kasbiy o‘z-o‘zini rivojlantirish va takomillashtirish yo‘nalishiga ko‘ra va amalga oshira olish;
  
• 
  tarixiy meros va madaniy an’analarga hurmat bilan munosabatda bo‘lish, ijtimoiy va madaniy tafovutlarni bag‘ri kenglik bilan qabul qila olish;
  
• 
  tarixiy jarayonning harakatlantiruvchi kuchlari va qonuniyatlarini; tarixda zo‘ravonlikning roli, insonning tarixiy jarayondagi, jamiyatning siyosiy tuzilishidagi o‘rnini tushuna bilish;
  
• 
  dunyoqarash, ijtimoiy va shaxsiy ahamiyatga ega bo‘lgan falsafiy muammolarni tushunish va ularning tahlil qilish;
  
• 
  o‘z faoliyatida me’yoriy-huquqiy hujjatlardan foydalana bilish;
  
• 
  axloqiy va huquqiy me’yor hamda majburiyatlarni hisobga olgani holda maqsadga erishish yo‘lida qat’iyatni namoyon qilish;
  
• 
  og‘zaki va yozma hamda fikrlash madaniyatiga asosli, aniq bayon qilish qobiliyatini egallash;
  
• 
  to‘plangan tajribani tanqidiy qayta anglash, zarur hollarda o‘z kasbiy faoliyat turi va xarakterini o‘zgartira olish;
  
• 
  hayotiy faoliyat xavfsizligi sharoitlarini umumiy baholay olish, ishlab chiqarish xodimlari va aholini tasodifiy halokat, tabiiy ofatlardan va zamonaviy qurol vositalarini qo‘llash oqibatlaridan himoya qilish, ularning asoratlarini bartaraf qilish bo‘yicha chora-tadbirlarni qo‘llay olish;
  
• 
  kasbiy faoliyatda tabiiy fanlarning asosiy qonunlaridan, matematik analiz va modellashtirish, nazariy va eksperimental tadqiqot metodlaridan foydalana olish;
  
• 
  zamonaviy axborotlashgan jamiyatda axborotning mohiyati va ahamiyatini tushunish bu jarayonda yuzaga keladigan tahdid va xavflarni anglay olish, axborot xavfsizligi bo‘yicha asosiy talablarga rioya qilish, jumladan davlat sirini saqlash;
  
• 
  axborotni olish, saqlash, qayta ishlashning asosiy metod, usul va vositalarini egallash, axborotni boshqarish vositasi sifatida kompyuter bilan ishlash ko‘nikmalariga ega bo‘lish;
  
• 
  global kompyuter tarmoqlarida axborot bilan ishlash qobiliyatiga ega bo‘lish;
  
• 
  chet tillardan birini so‘zlashuv darajasidan past bo‘lmagan darajada egallash;
  
• 
  ishlab chiqarish xodimlari va aholini tasodifiy halokat, tabiiy ofatlardan himoya qilishning asosiy metodlarini egallash;
  
• 
  jismoniy tarbiya va salomatlikni mustahkamlashning mustaqil, metodik jihatdan to‘g‘ri vositalarini egallash, to‘laqonli ijtimoiy va kasbiy faoliyatni ta’minlash uchun jismoniy tayyorgarlikning zarur darajasiga erishishga tayyor bo‘lish.
  

6.5.3.6 Gimnastika va uni o‘qitish metodikasi:

Gimnastika taraqqiyotining tarixiy tavsifi. O‘zbekiston jismoniy tarbiya tizimida gimnastikaning o‘rni. Gimnastikaga oid atamalar. O‘rta maxsus, kasb-hunar ta’limi muassasalarida, umumta’lim maktablarida gimnastika bo‘yicha shikastlanishining oldini olishi. Gimnastika bo‘yicha o‘quv-mashq ishlarining hisobi va rejasi. Saf mashqlari. Umumiy rivojlantiruvchi mashqlar. Emaklab o‘tish. Yukni ko‘chirish (olib o‘tish). Tirmashib chiqish. Muvozanat saqlash, uloqtirish. Oddiy sakrashlar. Erkin mashqlar, akrobatika. Ommaviy gimnastik chiqishlar uchun mashqlar. Dastakli ot, halqalar, tayanib sakrashlar, bruslar. Baland va past turnik. Baland-past bruslar, xoda. Gimnastika bo‘yicha musobaqalarni tashkil qilish va o‘tkazish. Gimnastika musobaqalarida hakamlik qilish. Gimnastika bo‘yicha o‘quv musobaqalari. Gimnastika va sport-mashqlari asosi. Gimnastik chiqishlar va bayramlar. Kasb-hunar ta’lim muassasalari dasturi va «Alpomish», «Barchinoy» majmuasiga kiruvchi gimnastik materiallarni tahlil qilish. Gimnastika bo‘yicha ilmiy-tadqiqot ishlar metodikasi. Sport inshootlari tarixi to‘g‘risida qisqacha ma’lumot. Sport inshootlari klassifikatsiyasi; sport inshootlarini shakllantirish; sport inshootining funksional-texnik sxemasi; sport inshootlari qurilishini loyihalashtirishni tashkil etishning asosiy qoidalari; sport inshootlari ishini rejalashtirish; sport maydonchalarining materiallari va tuzilmasi (konstruksiyasi), sport inshootlari va ularni jihozlash; bolalar sporti anjomlari.