Zamonaviy texnologiyalar asosida matematika fanini o’qitish elektron ta’lim resurslarini yaratishning uslubiy va dasturiy ta’minoti

III-bob. Matematika fanini o’qitish elektron ta’lim resurslarini yaratish va uni namoyish qilish
3.1. Matematika fanini o’qitishda elektron ta’lim resurslarining namoyish vositalaridan foydalanish o’rni va uslubiyati . . . . . . . . . . . . . . . ……………
3.2. Pedagogik tajriba, uning natijalari va tahlili …………………………….
III-bob bo’yicha xulosalar. . . . . . . . . . . . . . . . . . . . . . . . . . . .
UMUMIY XULOSA VA TAVSIYALAR . . . . . . . . . . .
FOYDALANILGAN ADABIYOTLAR RO’YXATI. . . . . .
Ilova . . . . . . . . . . . . . . . . . . . . . . .

Kirish
Mavzuning dolzarbligi: XXI asr – texnologiyalar asri hisoblanadi. Shunday ekan dars jarayonida turli zamonaviy axborot vositalaridan o‘rinli foydalanish, kompyuterli ta’lim jarayonida darslarni o‘quvchi va kompyuter orasidagi munosabatlarga ko‘ra tashkil etish, boshqarish, nazorat qilish bugungi kunda dolzarb masalalardandir.Hozirgi kunda axborot texnologiyalarining zamonaviy vositalari ta’lim tizimida muhim o’rin egallab, ilm-fan, ishlab chiqarish va boshqaruv faoliyatini tashkil etishning samarali vositasiga aylanib bormoqda. Ayniqsa, uning fanlarni o’qitish jarayonida o’quvchilarnining bilim olish darajasini o’shirishdagi o’rni va samaradorligi ijobiy natijalarni bormoqda.
Kadrlar tayyorlash milliy dasturida informatika va axborot texnologiyalarini o‘quv jarayoniga keng tadbiq qilish masalasi ko‘ndalang qo‘yilgan. Unda, shuningdek, axborot texnologiyalari va informatika sohasida kadrlar tayyorlash, shu jumladan Internet texnologiyalarini barcha sohalarda keng joriy qilish dolzarb masalasi ekanligi alohida uqtirib o‘tiladi. O‘zbekistonda axborot-kommunikatsiya texnologiya (AKT) larini yanada rivojlantirish, har bir sohaga tatbiq qilish, mutaxassislarning kompyuter savodxonligini oshirish kabi masalalar davr talabiga muvofiq yechilmoqda.
Dunyoda innovatsion rivojlanishning global vazifalaridan biri insonlarda kreativlikni shakllantirishdir. Bunda yangi g‘oyalar ishlab chiqarish, murakkab jarayonlarda echim topa bilish, kasbiy faoliyatga ijodiy yondashish, oqilona tavakkalchilikka bo‘lgan qobiliyat, kasbiy barkamollik kabi harakatlar nazarda tutiladi. YUNESKO1 kattalar ta’limini XXI asrda «eshiklarni ochuvchi kalit» deb e’tirof etdi. Jahon miqyosida pedagog kadrlarning ijodiy salohiyati, akmeologik kompetentligi va kreativligini rivojlantirish, axborot-kommunikatsiya texnologiyalari va dasturlari orqali o‘qitishning an’anaviy va zamonaviy metodlaridan kompleks foydalanish orqali ijtimoiy-iqtisodiy yuksalishning intellektual resurslarini yaratish dolzarb ahamiyat kasb etmoqda. Jahon miqyosida pedagogika sohasida ta’lim muassasasi pedagogining ijodiy fikrlashi va kreativligini rivojlantirish masalalariga qaratilgan ilmiy tadqiqotlar olib borilmoqda. Dunyodagi innovatsiyalarni ta’lim jarayoniga tadbiq etish, professoro‘qituvchilarning kreativ kompetensiyalarini shakllantirish va rivojlantirish usullarini ilmiy asoslab berish, malaka oshirish tizimi mazmuniga mos kreativ o‘qitish metodikasini joriy etish va o‘quv materiallarini takomillashtirish zaruriyati yuzaga kelmoqda.
Respublikadagi shiddatli o‘zgarishlar ta’lim tizimiga ham jahon miqyosida keng yo‘l ochib bermoqda, jumladan, zamonaviy axborot texnologiyalarning tezkor rivojlanishi, global telekommunikatsion texnologiyalarning takomillashib borishi elektron ta’lim muhitida insonni ishga bo‘lgan munosabatini kreativ yondashuvini talab etmoqda. O‘zbekiston Respublikasi Prezidentining 2018 yil 5 avgustdagi PQ- 3775-sonli “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida” gi Qarori, 2017 yil 7 fevraldagi PF-4947-sonli «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida» gi Farmoni, 2017 yil 20 apreldagi “Oliy ta’lim tizimini yanada rivojlantirish chora-tadbirlari to‘g‘risida”gi PQ 2909-son Qarorlari hamda mazkur faoliyatga tegishli boshqa me’yoriy huquqiy hujjatlarda belgilangan vazifalarni amalga oshirishga ushbu dissertatsiya muayyan darajada xizmat qiladi.

Zamonaviy o‘qituvchining jamiyatni axborotlashtirish sharoitida ishlashga tayyorligini belgilab beradigan quyidagi axborot-kommunikativ salohiyatlar muhim hisoblanadi: AKT dan ta`lim jarayonida foydalanish, ta`lim samaradorligini oshirish uchun katta imkoniyat hisoblanadi. Jumladan, o‘qitish jarayoni bilan AKT dan foydalanib o‘qitish orasidagi farqni mazkur slayddan bilb olish qiyin emas. Matematika darslarida AKT dan foydalanish uchun avvalo kompyuter dasturlari va ulardan foydalanish yo‘llarini bilib olish zarur. Bu esa kompyuter dasturlari nafaqat o‘quvchilarning bilim va ko‘nikmalarini shakllantirish, balki kompyuterni qo‘llash orqali ularning ijodiy ko‘nikmalarini rivojlanishiga ham yordam beradi.

Ana shu nuqtai nazardan fanlarni o’qitish jarayonida axborot texnologiyalari vositalaridan samarali foydalanish, o’qitish tizimini takomillashtirish va mazmunan boyitishga qaratilgan o’quv uslubiy va dasturiy voisitalarini yaratish va tatbiq etish dolzarb masalalardan biridir. Bu esa o’z navbatida axborot texnologiyalarining zamonaviy vositalaridan ta’lim tizimida foydalanish, fanlarni o’qitish jarayoniga elektron darsliklar yaratish, dars jarayonlarini virtuallashtirish, o’qitishda komputer va multimedia vositalardan foydalanish va o’quvchilar bilimini nazorat qilish texnologiyalarini ishlab chiqish va qo’llash vazifasini qo’yadi.