Zamonaviy texnologiyalar asosida matematika fanini o’qitish elektron ta’lim resurslarini yaratishning uslubiy va dasturiy ta’minoti

Tadqiqotning maqsadi: Ta’lim jarayonida, shu jumladan matematika fanini o’qitish jarayonini axborot texnologiyalari asosida tashkil etish bo’yicha yaratilgan uslubiy va dasturiy vositalarni tahlil qilgan holda, dars jarayonini zamonaviy axborot texnologiyalari vositalari asosida o’qitish samaradorligini oshirish uchun samarali bo’lgan, ham nazariy bilim beradigan, ham amaliy ko’nikmalarni hosil qiladigan uslubiy va dasturiy vositalarni yaratish va dars jarayonida qo’llash.
Tadqiqot vazifalari – magistrlik dissertatsiyasi ishi mavzusi bo’yicha matematika fanini axborot texnologiyalari vositalari, shu jumladan amaliy dasturlar, namoyish dasturlari va interfaol vositalar asosida o’qitish bo’yicha uslubiy adabiyotlar, ilmiy-uslubiy materiallar, uslubiy va dasturiy ishlanmalar, zamonaviy dasturiy vositalarni tahlil etish, matematika fanini o’qitish va matematik masalalarni yechish jarayonida zamonaviy komputer va axborot texnologiyalari vositalari asosida uslubiy va dasturiy ta’minotni yaratish va foydalanish uslubiyatini ishlab chiqish.
Tadqiqotning ob’ekti: Umumiy o’rta ta’lim maktablarida matematika fanini o’qitish va matematik masalalarni yechish jarayonida axborot texnologiyalari vositalari, amaliy dasturlar, namoyish dasturlari va interfaol vositalardan foydalanish.
Tadqiqotning predmeti: Matematika fanini axborot va komputer texnologiyalar, shu jumladan amaliy dasturlar, namoyish dasturlari va interfaol vositalar asosida o’qitish asoslari, zamonaviy dasturiy vositalari, uslubiy va dasturiy ta’minotini yaratish, uni dars jarayonida uni namoyish qilish o’rni va uslubiyatini ishlab chiqish.
Tadqiqot metodlari: tadqiqot mavzusi bo’yicha uslubiy adabiyotlar, ilmiy-uslubiy materiallar, uslubiy va dasturiy ishlanmalar, dasturiy vositalarni tahlil etish, umumiy o’rta ta’lim maktablarida matematika fanini axborot texnologiyalari, shu jumladan amaliy dasturlar, namoyish dasturlari va interfaol vositalari asosida o’qitish yuzasidan uslubiy qo’llanmalar va tavsiyalarni o’rganish, matematika fanini o’qitish va matematik masalalarni yechish jarayonida zamonaviy komputer va axborot texnologiyalari vositalaridan foydalanish samaradorligi darajasini tahlil qilish va uning natijalarini umumlashtirish.