Zamonaviy texnologik uslublar

Mafkuraviy kurash tobora kuchayib borayotgan hozirgi globallashuv davrida milliy g‘oya targ‘ibotida quyidagilarni e’tiborga olish juda muhimdir:
 targ‘ibot maqsadlarini aniq bilish;
 targ‘ibot yangiliklarini o‘rganib borish va hisobga olish;
 g‘oyaviy-mafkuraviy jihatdan alohida e’tibor berish lozim bo‘lgan ijtimoiy qatlam va guruhlarni aniqlash;
 targ‘ibot olib boriladigan auditoriyaning xususiyatlarini bilish;
 targ‘ibotning strategik yo‘nalishlarini, mavzularining mazmun-mohiyatini, ularning o‘zgaruvchanligini hisobga olish taqazo etiladi.
Globallashuv jarayonning ijtimoiy, iqtisodiy, siyosiy, mafkuraviy, ma’naviy va ekologik yo‘nalishlarda tobora kuchayib borishini anglash, uning ijobiy va salbiy jihatlarini tahlil etish, shuningdek, zamonaviy axborot texnologiyalari ta’sir doirasining tobora kengayib borishidan kelib chiqqan holda har bir fuqaro, ijtimoiy qatlam huquqiy manfaatlari, qiziqishi va jamiyatda tutgan maqomini etiborga olish, turli omil, ehtiyoj, qoida va talablar doirasida kelib chiqib ish olib borishni, usullardan to‘g‘ri va unumli foydalanishni talab etadi.