Zamonaviy ta'limda muammo nimada?

Samarqand davlat universiteti filologiya fakulteti magistranti Saidova Hilolaning "Zamonaviy ta'limda muammo nimada?" mavzusida yozgan maqolasiga

TAQRIZ

Hozirgi zamon- texnologiyalar zamoni sifatida e'tirof etilganidek,har jabhada,jumladan,ta'limda ham texnologiyalar rivoji,ularning ravnaqi va o'rni alohida yuksalib bormoqda.Har vaqt ijobiylik bilan salbiylik yonma-yon yurishi kabi,bir yaxshi tarafning istisnosi ham bor albatta.

Ushbu maqolada shu kabi zamonaviy ta'limda yuzaga kelishi mumkin bo'lgan ayrim holatlar ya'ni muammolar borasida aytib o'tiladii.Muallif Hilola Saidova texnologiya bilan yuzaga chiqayotgan o'zgarishlarni,shu jumladan,O'zbekistonda mavjud ta'lim turlarini aytib o'tib,ularning ba'zilarida mavjud muammolarni izohlab beradi.Avvalo,e'tibor qaratilgan muammolardan biri bu-online ta'lim shakli bo'lib,tezlik bilan rivojlanayotgan innovatsion jamiyatda o'z o'rnini topib ulgurgani barchaga ayon.Ammo afsuski,barcha ham bu ta'lim shaklining mohiyatini teran va aniq anglay olishgani yo'q.Natijada esa ta'limda sifatsizlik yuzaga kelishi kuzatilmoqda.Buning asosiy sababi sifatida muallif o'quvchilarning ma'suliyatsizligini keltirib o'tadi.Bunda so'z nafaqat oddiy ma'suliyatsizlik balki ruhiy ma'suliyat,vijdon va ma'naviy kamolot borasidagi sayozlik to'g'risida boradi.

Fikrlardan ma'lumki,ma'naviy bo'shliq o'z-o'zidan ta'limning to'g'ri va sifatli tashkil etilmaganligidan dalolat beradi.Sifatsiz ta'lim borasida so'z borar ekan,muallif sirtqi ta'lim shakliga ham alohida urg'u berib o'tadi.Bunda qonunchilikda mavjud ayrim cheklovlar ya'ni tibbiyot va pedagogika sohasiga aloqador sirtqi ta'lim qonunlari taqqoslanadi.Sir emaski,kunduzgi va sirtqi ta'lim shakllari orasida yer bilan osmoncha tafovut mavjud.O'qish kunlari,ta'til,amaliyot,ta'lim sifati haqida esa gapirmasa ham bo'ladi.Huddi shu kabi masalalarga asosiy muammo sifatida qaraladi.

Bir so'z bilan xulosa qilib aytganda, maqola tushunarli va ravon tilda yozilgan bo'lib,o'quvchi aniq mavzu nima haqida ekanligini darrov seza oladi.Fikrlar ravon,til esa tushunarli.Maqola ta'lim sohasiga yangi o'zgartirishlar kiritish uchun asos vazifasini o'tay olishiga shubga bo'lmasa kerak.

Taqrizchi: Diyora Akramova,O'zbekiston davlat jahon tillari universiteti 1-bosqich magistranti.