Zamonaviy ta‟lim tizimini rivojlantirish va unga qaratilgan kreativ g„oyalar, takliflar va yechimlar

ADABIYOT FANINI O„QITISHDA MODULLI TA‟LIM TEXNOLOGIYASIDAN 
FOYDALANISHNING AHAMIYATI 
 
Umurzakova Zulfiya Ergashevna 
Toshkent viloyati Zangiota tumani 
34-umumiy o'rta ta'lim maktabi 
Ona tili va adabiyoti fani o'qituvchisi 
 
Asosiy ilmiy bilimlar dasturida o‗quvchilarning o‗qish uslubiga mos kelish uchun 
o‗qituvchilar aniqlikdan mavhumgacha amaliy o‗rganish orqali tadqiqotga asoslangan 
yondashuvni qo‗llashlari kerak. O‗quvchilar o‗z hayotlari va ular yashayotgan muhit bilan 
aloqa qilishlari uchun amaliy tadqiqotlarga asoslangan ta‘lim real sharoitlarda amalga 
oshirilishi kerak. Shunday qilib, o‗quvchilar o‗qigan narsalariga jalb etilib, natijada ularning 
fanga bo‗lgan qiziqishlari orttiriladi 
Modul (lotincha modulus so‗zidan olingan bo‗lib qism, bo‗lak, blok ma‘nolarini 
anglatadi. Modulli ta‘lim pedagogik texnologiyani tashkil etuvchi tarkibiy bo‗laklarni 
ifodalaydi. Bu modulli ta‘lim dars jarayonini tashkil etishdagi eng kichik ish turlaridan 
hamda ularning turli miqdordagi to‗plamlaridan iborat bo‗ladi. Bunda eng kichik faoliyat 
turi eng kichik modul sanalib, boshqalari qancha modulni qamrab olishiga qarab o‗ziga mos 
darajadagi modullar sanaladi. 
Adabiyot o‗qitish sohasida modulli ta‘lim texnologiyasi deyilganda, adabiy ta‘lim 
jarayonini modullar asosida loyihalashtirish nazarda tutiladi. Ajratilgan har bir modul 
bo‗yicha uning o‗zigagina xos bo‗lgan faoliyat mazmuni va ta‘sir doirasi mavjud bo‗ladi. 
Adabiy ta‘lim jarayonida modulli ta‘lim texnologiyasidan foydalanilganda o‗rganiladigan 
mavzu mantiqiy tugallangan bo‗laklarga, ya‘ni modullarga ajratiladi. Har bir bo‗lak 
o‗quvchilar mustaqil ishlashlari uchun maxsus topshiriqlarga aylantiriladi. 
Modulli ta‘lim texnologiyasida o‗quvchilar tomonidan amalga oshirilayotgan har 
qanday faoliyatga о‗quv elementi deb qaraladi. Ta‘kidlaganimizdek, mavzni o‗tish 
jarayonida o‗qituvchi tomonida ushbu mavzu qismlarga bo‗linadi va o‗quvchilarga mavzu 
yuzasidan tushunchalar berilgach, o‗zlarining erkin fikr mulohazalarini bildirishlariga 
imkon beriladi. Bu albatta, darsning yanada qiziqarli hamda samarali bo‗lishini ta‘minlaydi. 
Adabiy ta‘lim jarayonida modulli ta‘lim texnologiyasidan foydalanish uchun avval 
quyidagi ishlar amalga oshiriladi: - mazkur yo‗nalishning xususiyatlarini ochib beradigan 
metodik majmualar yaratish; - ta‘lim jarayonini tashkil etish uchun uni zaruriy didaktik 
ashyolar bilan ta‘minlash; - ta‘lim amaliyotini nazariy-metodik va amaliy-tashkiliy jihatdan 
to‗g‗ri uyushtirish Adabiyot o‗qitishning modulli texnologiyasi - ta‘limning belgilangan 
tamoyillariga muvofiq tarzda rejalashtiriladi va amalga oshiriladi. Bunda motivatsiya 
(o‗quvchining bilishga bo‗lgan ichki ehtiyoji), modullilik, muommalilik, hamkorlikka 
asoslanish, subyekt-subyekt munosabati, didaktik o‗yinlar, audio-vizual va hk. tamoyillar 
nazarda tutiladi. 
Asar ustida ishlashda modulli ta‘lim texnologiyasidan foydalanilganda quyidagi 
izchillikka amal qilinadi: 

---