Zamonaviy sharoitda iqtisodiyot va ijtimoiy sohani rivojlantirishda

---

 

---

2 

---

3 
KIRISH 
 
Zamonaviy sharoitda iqtisodiyot va ijtimoiy sohani rivojlantirishda 
moliyaning ahamiyati oshib bormoqda, shu bilan bir qatorda, O‘zbekiston 
Respublikasida makroiqtisodiy o‘sishni, davlat byudjeti barqarorligini ta’minlash, 
aholini ijtimoiy himoya qilishni kuchaytirish, ustuvor davlat dasturlarini amalga 
oshirish, iqtisodiyot tarmoqlari va sohalarining uzluksiz ishlashini ta’minlash, 
xo‘jalik yurituvchi subyektlarni davlat tomonidan iqtisodiy usullar yordamida 
qo‘llab-quvvatlash, tashqi iqtisodiy faoliyatni rag‘batlantirishda moliya tizimining 
ahamiyati ortib bormoqda. Shu bilan birga, oliy ta’lim tizimi oldida malakali 
kadrlar tayyorlash, jumladan, bo‘lajak mutaxassislar oldiga turli statistik 
ma’lumotlarni umumlashtirish va tahlil qilish bo‘yicha amaliy ko‘nikma va 
malakaga ega bo‘lish borasida yangi talablar qo‘yilmoqda. Talabalar o‘quv 
fanlarining mazmunini nafaqat ma’ruza va amaliy mashg‘ulotlar davomida 
o‘zlashtirishlari, balki bitiruvoldi amaliyotni o‘tash davrida ham tegishli bilim va 
ko‘nikmaga ega bo‘lishlari hamda zaruriy malaka orttirishlari talab etiladi.
Bitiruv oldi malakaviy amaliyot dasturi 5230600 - “Moliya” ta’lim 
yo‘nalishi talabalari uchun amaliyot jarayonini uslubiy jihatdan ta’minlash, 
amaliyot samaradorligini oshirish, ta’lim yo‘nalishi bo‘yicha yetarlicha amaliy 
ko‘nikmalarga ega bo‘lish, amaliy ma’lumotlarni tahlil qilish asosida bitiruv 
malakaviy ishlarining sifatli bajarilishini (rektor buyrug‘iga muvofiq bitiruv 
malakaviy ishini bajarayotgan talabalar uchun) ta’minlash maqsadida tayyorlandi. 
Mazkur dastur O‘zbekiston Respublikasining 2020-yil 23-sentyabrdagi 
“Ta’lim to‘g‘risida”gi O‘RQ-637-sonli Qonuniga, O‘zbekiston Respublikasi 
Prezidentining 2017-yil 7-fevraldagi “O‘zbekiston Respublikasini yanada 
rivojlantirish bo‘yicha Harakatlar strategiyasi to‘g‘risida”gi PF-4947-sonli 
Farmoni, 2019-yil 8-oktyabrdagi “O‘zbekiston Respublikasi oliy ta’lim tizimini 
2030-yilgacha rivojlantirish konsepsiyasini tasdiqlash to‘g‘risida”gi PF-5847-son 
Farmoni, 2018-yil 5-iyundagi “Oliy ta’lim muassasalarida ta’lim sifatini oshirish 
va ularning mamlakatda amalga oshirilayotgan keng qamrovli islohotlarda faol 
ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-
sonli Qarori, 2017-yil 27-iyuldagi PQ-3151-sonli “Oliy ma’lumotli mutaxassislar 
tayyorlash sifatini oshirishda iqtisodiyot tarmoqlari va sohalarining ishtirokini 
yanada kengaytirish chora-tadbirlari to‘g‘risida”gi PQ-3151-sonli Qarori, 
O‘zbekiston Respublikasi Oliy va o‘rta maxsus ta’lim vazirining 1998-yil 30-
oktyabrdagi 305-son buyrug‘i bilan tasdiqlangan O‘zbekiston Respublikasi “Oliy 
ta’lim muassasalari talabalarining malaka amaliyoti to‘g‘risida”gi Nizom 
talablariga mos ravishda ishlab chiqilgan. 
Dasturda bitiruv oldi malakaviy amaliyotning umumiy qoidalari, maqsadlari 
va vazifalari, institutdan va amaliyot joyidan tayinlangan amaliyot rahbarining 
huquq va majburiyatlari, amaliyot bo‘yicha hisobotni tayyorlash, uni 
rasmiylashtirish va himoya qilish tartibi bayon etilgan.