Zamonaviy bоshqаrish nazariyasi

---

 

 

1-Ma’ruza. Kirish. “Zamonaviy bоshqаrish nazariyasi” fani haqida   

Reja: 

1.  Zamonaviy  boshqarish  nazariyasi (ZBN) fani haqida dastlabki tushuncha. 

2.  ZBN ning qisqa tarixi. 

3.  ZBN ning o`rganish ob’ekti, predmeti va maqsadi. 

4.  ZBN da tadqiq etishning asosiy metodi. 

5.  ZBN ning boshqa fanlar orasidagi o`rni. 

6.  ZBN ni o`rganishning  dolzarbligi. 

7.  Ishlab  chiqarishni avtomatlashtirishda zamonaviy tendentsiyalar. 

8.  Avtomatik  boshqarish muammosining  mohiyati   

Tayanch    so`z    va    iboralar:  avtomatika,  boshqarish,  kibernetika,  analiz,  sintez, 

identifikatsiya. 

1.Zamonaviy  boshqarish  nazariyasi (ZBN) fani haqida dastlabki tushuncha. 

ZBN  tushunchasi o`zining nomiga kirgan terminlar yig`indisidan  iborat: 

nazariya  –  ma’lum  shartlarda  ishonchli  natijani  olishga  imkon    beruvchi  bilimlar 

to`plami. (Nazariya,  keng  ma’noda  — birior  hodisani izohlash  va  tushuntirishga  

qaratilgan qarashlar, tasavvurlar, g`oyalar kompleksi, ancha  tor  va maxsus  ma’noda  

— berilgan  nazariya   ob’ektining,  yani, borliqning  ma’lum  sohasining  qonuniyatlari  

va mavjud  bog`liqliklari haqida yaxlit tasavvurlar  beruvchi  ilmiy  bilimlarni tashkil  

etishning oliy,  eng  rivojlangan  formasi.) 

boshqarish – ma’lum maqsadga erishishni ta’minlash  uchun ob’ektga ko`rsatiladigan 

ta’sir  (ma’lum maqsadga erishishni ta’minlovchi jarayonni tashkil  etish), avtomatik 

boshqarish – texnikaviy vositalar  yordamida inson ishtirokisiz boshqarish. 

Shu  sababli:  ZBN  –  berilgan,  talab    etilgan  xarakteristikali  texnologik 

jarayonning  avtomatik  boshqarish    sistemasini  yaratish  va  ishga  tushirishga  imkon 

beruvchi bilimlar to`plami.  

“Zamonaviy  boshqarish    nazariyasi”  va  “Avtomatik  boshqarish  nazariyasi” 

fanlari  mavjud. Bu  ikki fanning  nomlanishi  haqida tushuntirish berib  o`tamiz. 

Tarixan  “Avtomatik boshqarish nazariyasi”  (ABN)  avval shakllangan. 

ABN  da    model  tushunchasi,  xususan  matematik  model  tushunchasi    asosiy  

hisoblanadi. Matematik model - ixtiyoriy  tabiatga ega  bo`lgan  boshqarish  jarayonini  

tavsiflovchi    matematik  abstraktsiya.  Matematik  model  (MM)  larni    ob’ektning 

operatori deyiladi. Operator  tushunchasi o`zida  ixtiyoriy  matematik  operatsiyalarni: 

hamma  algebraik amallarni, differentsiallash, integrallash,  vaqt  bo`yicha  siljitish, 

differentsial,  integral,  algebraik  va  ixtiyoriy    funktsional    tenglamalarni    yechish, 

hamda ixtiyoriy  mantiqiy amallarni birlashtiriladi.  Ob’ektning  operatorini berish,  bu  

chiqish    jarayonini  olish    uchun  kirish    funktsiyasi    ustida  qilinadigan  amallarning  

to`plamini berishni  anglatadi.    ABN  da  analiz  va  sintez  masalalari   matematik   

modellashtirish    metodi    bilan    yechiladi.  ABN  da      chiziqli    ABS  larni    analiz  va  

sintezlashda ikkita  asosiy  yondashuv ishlab   chiqilgan. Birinchi  yondashuv  yaxlit 

ABS  ning  va    uning  alohida  bo`g`inlarining    strkturali    sxemalariga    va    uzatish  

funktsiyalari  (UF)  ga  asoslangan. Shu  munosabat  bilan  bu  yondashuvni operatorli-

---