Замонавий педагогик технологиялар

Тўртинчи босқич: МКМ - ўқитиш дастурларини тузиш.
Модулли - ўқитиш дастурлари жадвал кўриниши тузилади. Уларни тузиш учун асос бўлиб, «Модулли блок – ўргатувчи модул» маълумот жадвали хизмат қилади. Ушбу дастур мазкур ихтисослик доирасида бажариладиган барча модулли блокларни ва уларга тегишли ўргатувчи модулларни ўз ичига олади (4.7-жадвал). Ушбу модулли ўқитиш дастурининг афзалликлари - ўзгарувчанлик ва мосланувчанлик бўлиб, бозор иқтисодиёти шароитида муҳим аҳамиятга эгадир.
Мазкур дастурлар, кенг тармоқли касблар учун ҳам ва алоҳида ишлаб чиқариш топшириқларини бажариш учун ҳам тузилиши мумкин. Биринчи ҳолда дастурлар муайян ихтисосликка тегишли барча ўргатувчи модулларни ўз ичига олади. Иккинчи ҳолда эса фақат муайян фаолиятга тегишли модулли блок ва ўргатувчи модуллардан ташкил топади. Баъзи вазиятларда дастур фақат битта модулли блокдан тузилиши мумкин. Модулли ўқитиш дастури касбий фаолиятнинг турли соҳаларига тегишли модулли блоклардан иборат бўлиши мумкин, бу эса хизмат кўрсатиш соҳаси унча катта бўлмаган корхоналари учун муҳим аҳамият касб этади.
4.2-жадвал
Ишнинг тафсилоти (намуна)

1. Ишнинг номланиши: Ўраш ускуналари оператори. Ишнинг рақами/коди: 017008 Корхона: «Бухоротекс» хиссадорлик жамияти. Бўлим: Ўраш бўлими.

Касбий соҳаси Тўқимачилик ишлаб чиқариш Иш соҳаси Ўраш машиналари

2. Вазифаларнинг тафсилоти. Ўраш машиналарида калава ипни найчалардан, бобиналарга қайта ўраш. Бобиналарга қайта ўралган калава ипларга кейинги ишловлар учун қулай шакл ва зичлик бериш. Йигирув фабрикасидан келтирилаётган калава иплардан имконият даражасида момиқни, қалин жойларни, ахлатни, чиқиндиларни бартараф этиш. Нуқсонларни ўз вақтида олдини олиш; узилган ипларни боғлаш; бўш найчаларни тўла найчалар билан алмаштириш; тўлган бобиналарни ўз вақтида бўшига алмаштириш; машина ишини кузатиш ва белгиланган вақтларда тозалаш; машина носозлигини аниқлаш. 3. Ташкилий таркиби: олдидаги масъулият / … учун масъул. ўраш бўлимнинг уста ёрдамчисига бўйсунади. бобиналарга қайта ўраш жараёнининг сифати учун масъул. 4. Меҳнат шароити/ стандартлар. тўқув фабрика тайёрлаш цехининг ўраш бўлимида ишлайди. тўқимачилик саноатида меҳнат гигиенаси ва ишлаб чиқариш санитарияси ва стандартлари асосида меҳнат шароитлари ташкил этилади. 5. Ишга киришга талаблар: умумий ўрта таълимга эга бўлиш соғлиги, руҳий-физиологик фазилатлар минимумига жавоб бериш; кузатувчанлик; диққатчанлик; қўл-оёқ харакати сенсомотор мувофиқлаштирилиши тўғрилиги; ҳар томонлама тез фикрлаш ва фараз қилиш; ёруғликни сезиш; фаол ва тез хотиралаш; ҳаракат хотираси; бежиримлик.