Zamon talabi

Zamon talabi

Bugun qay tomonga qaramang, ko’pchilik yuqori sinflarda ta’lim oluvchi maktab o’quvchilar o’zi uchun bir kasbni tanlab o’sha soha bo’yicha izlanishda. Ayrim o’quvchilar oliy ta’lim muassasalarida ta’lim olishni niyat qilayotgan bo’lsa, yana ayrimlari esa o’qishga unchalik qiziqishmaydi. Bugun biz aynan universitetlarda ta’lim olib, oliy ma’lumotli kadr bo’lishni istaydigan bo’lajak talabalarning ta’lim maskanlariga kirgunlariga qadar chekkan zaxmatlari haqida so’zlab bermoqchimiz. Avvalo, o’quvchilar o’z oldilariga maqsad qo’yib, o’zi uchun kerakli bo’lgan fanlarni tanlab o’qishlari zarur. O’zingizga ham ma’lumki, bugungi kunda o’rta ta’lim muassasalarida ta’lim olib , oliy ma’lumotga ega bo’lish qiyin masala. Shu sababli ko’pchilik o’quvchilar bugun o’quv markazlaridagi ta’limni ma’qul ko’rib, o’sha yerda tahsil olmoqdalar. O’quv markazlarining faoliyati maktab darslari vaqtida olib borilmoqda degan tanqidiy fikrlar ham yo’q emas . Qo’shimcha darslarning oylik to’lov miqdori baland narxlarda , hammaning ham sharoiti to’g’ri kelmaydi, kabi gap so’zlar ommalashgani bor gap. Har narsaning ikki tomoni bo’lgani kabi , o’quv markazlarini yomonlashdan yiroqmiz . Ammo tan olib aytish joizki, o’quv markazlarida ta’lim olgan o’quvchilarning ko’pchiligi o’zlari tanlagan universitetlarga kirib, talabalik baxtiga sazovor bo’lishmoqda. Bu maqolani yozishimdan maqsad , yoshlarimiz qayerda ta’lim olishmasin, ular bilimli , aqlli , yurtimiz rivoji uchun kerakli kadrlar bo’lib yetishsalar , biz va boshqalar ham bundan mamnun bo’lgan bo’lar edik. Axir biz Alisher Navoiy, Mirzo Ulug’bek, Ibn Sino kabi buyuk ajdodlarimizdan faxrlanganimiz kabi , ertaga avlodlarimiz ham bizdan faxrlanishlari uchun buyuk ishlar qilishimiz zarur.