Zakovat intellektual

G'oliblarni taqdirlash
"Zakovat" intellektual musobaqasi final bosqichi g'oliblari, tanlovning turli bosqichlarida g'oliblikni qo'lga kiritgan jamoalar shahar va tuman xalq ta'limi muassasalari faoliyatini metodik ta'minlash tashkil etish bo'limlari faxriy yorliq va esdalik sovg'alari bilan taqdirlanadilar.

“ZAKOVAT" intellektual musobaqasi

nizomi
Intellektual musobaqaning maqsadi
Mustaqillik biz uchun milliy davlatchiligimizni, o'zligimiz, insoniy haq-huquq va qadr-qimmatimizni tiklash, urf-odat va an'analarimizni, muqaddas islom dinimizni, buyuk ajdodlarimizning tabarruk nomlarini ulug'lash, sog'lom va barkamol yangi avlodni shakllantirish bo'yicha ilgari tasavvur ham qilib bo'lmaydigan beqiyos imkoniyatlar ochib berdi.
"Ta'lim to'g'risida"gi Qonun, "Kadrlar tayyorlash milliy dasturi" va ularning mantiqiy davomi hisoblangan "2004-2009 yillarda mo'ljallangan maktab ta'limini rivojlantirish Davlat umummilliy Dasturi" doirasida amalga oshirilgan islohotlar natijasida viloyatimizda yosh avlodni barkamol insonlar etib voyaga yetkazishning barcha jihatlari va bosqichlarini qamrab oluvchi uzluksiz va uzviylikka asoslangan yaxlit ta'lim kompleksi tarkib topdi.
.
Barcha talablarga javob beradigan o'quv - moddiy baza va ta'lim standartlarini shakllantirildi, o'quvchilarning ta'lim - tarbiya olishlari uchun barcha sharoitlar yaratilmoqda.
Ta'lim sohasidagi milliy dasturlar doirasida amalga oshirilayotgan bunyodkorlik ishlari va erishilgan qator ijobiy o'zgarishlarga qaramasdan, ta'lim sifat va samaradorligi rivojlanishi dinamikasini yanada jadallashtirish, bunda yaratilgan shart-sharoitlar va imkoniyatlardan samarali foydalanish bugungi kunda eng dolzarb masala hisoblanmoqda. Umumiy o'rta ta'lim maktab o'quvchilari orasidan iktidorli va qobiliyatli o'quvchilarni aniqlash, qo'llab-quvvatlash, noyob fazilatlarini yanada rivojlantirish, o'quvchi- yoshlarni vatanimiz tarixi, milliy an'analarimiz, umuminsoniy qadriyatlar, milliy g'oyalarga sadokat, ona Vatanga muhabbat ruhida tarbiyalash hamda ularning intellektual salohiyatlarini oshirish va bo'sh vaqtlarini mazmunli tashkil etish, o'quvchi yoshlarning fanlarga bo'lgan qiziqishini oshirish, bilim va zukkolikni tarbiyalash hamda iqtidorli o'quvchi yoshlarni kashf etish, ularni rag'batlantirish birinchi dolzarb vazifadir. "Zakovat" intellektual musobaqasi shunday o'quvchi yoshlarni kashf etadi hamda ular o'rtasida sog'lom raqobatni shakllantiradi.