Зайлобитдинов дилмурод номонович

2.10-расм. Масофадан банк хизматларини кўрсатувчи тизимлар турига кўра фойдаланувчиларнинг таркибий тузилиши,%да (2020й., 1 январь ҳолатига)⁵⁷
Ушбу ҳолат республикамизда сўнгги йилларда масофадан банк хизматларидан фойдаланувчиларнинг кўпайиши, асосан, SMS-банкинг ва мобил банкинг хизматларидан фойдаланишнинг кенгайиши ҳисобига рўй берганлиги билан изоҳланади.
Эндиликда, республикамизда электрон ҳукумат тизимининг ривожланиши, ахборот-коммуникация технологияларининг кенгайиши, интернет тезлиги ва имкониятлрининг ошиши банк секторида интернет-банкинг хизматларининг ошишига хизмат қилади. 2020 йил банк ҳисобварақларини масофадан бошқариш тизимларидан фойдаланувчилар орасида 100 минг аҳолига нисбатан 1082 таси «Мобиль-банкинг» ва «SMS-банкинг» хизматларидан фойдаланса, 100 минг аҳолига нисбатан 12706 таси «Интернет-банкинг» ва «Банк-мижоз» дастурий мажмуалари хизматларидан фойдаланади (2.11-расм). Алоҳида қайд этиш жоизки, республикамизда 2020 йилнинг 1 январь ҳолатига банк ҳисобварақларини масофадан бошқариш тизимларидан фойдаланувчилар сони жами 7959107 та бўлиб, шундан банк ҳисобварақларини масофадан бошқариш тизимларидан фойдаланувчи юридик шахслар ва якка тартибдаги тадбиркорлар сони 359770 тани ташкил этган бўлса, банк пластик карталари ва банк депозит ҳисобварақлари бўйича банк ҳисобварақларини масофадан бошқариш тизимларидан фойдаланувчи жисмоний шахслар сони эса 7 599 337 тани ташкил этади⁵⁸.

2.11-расм. Масофадан бошқарилувчи банк хизматларидан фойдаланувчилар сони⁵⁹

2.12-расм. Ўзбекистонда масофавий банк хизматларидан фойдаланувчилар ва банк мижозлари сони динамикаси, минг киши (2020 йил 1 январь ҳолатига)⁶⁰
Масофадан банк хизматларини кўрсатиш бўйича фойдаланувчилар сонига кўра етакчиликни кейинги ўринларда 17% улуш билан “Халқ банки” акциядорлик тижорат банки, 16% улуш билан Ташқи иқтисодий фаолият миллий банки, 13% улуш билан “Асака” акциядорлик тижорат банклари эгаллаган.
Республикамизда 29 та тижорат банки фаолият юритаётган бўлса, масофадан банк хизматларидан фойдаланувчиларнинг 76 фоизи юқорида келтирилган 4 та банк ҳиссасига тўғри келмоқда. “Ҳамкорбанк”, “Алоқабанк”, “Ипак йўли”, “Ўзбекистон саноат-қурилиш банки”, “Ипотека-банк”, “Қишлоқ қурилиш банк”, “Микрокеридитбанк” тижорат банкларининг жами масофадан банк хизматларидан фойдаланувчилар таркибидага улуши 2-4%ни ташкил этган. Масофадан банк хизматларидан фойдаланувчиларнинг тижорат банклари бўйича тақсимланиши ҳолатига эътибор қаратилса, 2020 йил бошида масофадан банк хизматларидан фойдаланувчиларнинг энг катта улуши, 30 фоиз - “Агробанк АТБ” ҳиссасига тўғри келган, кейинги ўринни “Халқ банки” АТ 17 - фоиз улуши билан эгаллаган (2.13-расм).
Мамлакатимиз банк тизимида олиб борилаётган ислоҳотларнинг асосий қисми мамлакат аҳолисини банкларга кенг жалб этишга қаратилган.