Зайлобитдинов дилмурод номонович

2.1-расм. UZCARD тўлов тизими схемаси³⁸
Тизим мамлакатда амалга оширилаётган ислоҳотларга таянган ҳолда ўз хизматларини такомиллаштириб бормоқда³⁹. 2018 йил сентябрь ойида UZCARD тўлов тизимида вужудга келган носозлик оқибатида аҳоли маълум муддат масофадан бошқарилувчи хизматлардан, шунингдек пластик карточкалар орқали тўловларни амалга оширишда муаммоларга дуч келди. Ушбу муаммоларни бартараф этиш “тўлов хизматлари бозорини тартибга солиш бўйича қонунчилик асосларини яратиш, унинг барқарор фаолият юритишини таъминлаш, банк хизматларининг оммабоплигини ошириш”, шунингдек рақобат муҳитини ривожлантириш мақсадида 2018 йил 19 сентябрда Ўзбекистон Республикаси Президентининг «Миллий тўлов тизимини ривожлантириш чора-тадбирлари тўғрисида»ги Қарори қабул қилинди⁴⁰.
Миллий банклараро процесинг марказининг ишга туширилишидан мақсад: банк карталарига асосланган тўлов хизматларини кўрсатувчи чакана тўлов тизимлари ўртасида рақобат муҳитининг пайдо бўлишига, тўлов хизматларидан фойдаланувчилар учун хизматдан фойдаланганлик учун тўланадиган комиссион ҳақ арзонлашишига, илғор технологияларни қўллаган ҳолда масофавий нақд пулсиз ҳисоб-китоблар кўламини оширишга, банк карталарига асосланган чакана тўлов тизимлари сонининг ортиши билан мамлакат тўлов тизимида рўй бериши мумкин бўлган рискларни камайтиришга хизмат қилади. ⁴¹
2019 йилнинг апрель ойидан “HUMO” тўлов тизими ишга туширилди, ушбу тўлов тизими UZCARD тўлов тизимининг рақобатчиси бўлиб, унинг афзал томони шундан иборатки, “Humo тўлов тизими Ўзбекистонда ва хорижда операцияларни амалга оширишга мўлжалланган бўлиб, Ўзбекистон тўлов тизимининг таркибий қисми ҳисобланади. Humo - давлат худудида пул ҳаракатини ва хорижий тўлов тизимлари билан ўзаро муносабатларни таъминлайдиган ҳисоб-китоблар иштирокчилари, тўлов инструментлари ва воситалари, дастурий-техник воситалар, шунингдек, банклараро пул ўтказмалари тизимлари мажмуидир”⁴².
Тўлов тизимининг Оператори «Milliy banklararo protsessing markazi» («Миллий банклараро процессинг маркази») МЧЖ бўлиб, у Ўзбекистонда хорижий валютада амалга оширилган барча операциялар бўйича маълумотлар клирингини, шунингдек, «HumoCard» тўлов тизими доирасида амалга оширилган барча операциялар бўйича процессинг функцияларини бажаради⁴³.