Zahiriddin muhammad bobur nomli andijon davlat universiteti ijtimoiy fanlar kafedrasi

Fuqarolik jamiyati - davlatning boshqaruv funktsiyalarini tobora kengroq ko’lamda xalq ommasi, ya’ni o’z-o’zini boshqarish organlariga o’ta borishi dsmakdir.
Fan - borliq hakidagi nazariy jihatdan tizimlashgan bilimlar yig’indisi.
Fan - ilmiy bilimlar tizimi.
Futurologiya - keng ma’noda Yer va insoniyat kelajagi haqidagi qarashlar; tor ma’noda - iqtisodiyot, fan, texnika, ijtimoiy-siyosiy sohalarda yuz berayotgan jarayonlarni sistemali o’rganish bilan shug’ullanadigan kelajak haqidagi fan.
Fauna – barcha turdagi hayvonlar majmui.
Fenomen – insonga hissiy bilish tajribasida berilgan hodisa.
Fenomenologiya – bevosita kuzatish mumkin bo’lgan ideal mohiyatlar sifatidagi fenomenlar haqidagi falsafiy ta’limot.
Flora – o’simliklar dunyosi.
Fluktuatsiya – o’zgarish, belgilangan parametrlardan tasodifiy og’ish.
Futurologiya – kelajak haqidagi fan.
Belgi – boshqa bir predmet, xossa yoki munosabatni ifodalaydigan va muayyan xabarni uzatish, saqlash yoki unga ishlov berishda ishlatiladigan moddiy, hissiy idrok etiladigan predmet.
Gnostik (yun.-bilish) -dunyoni bilish mumkinligini tan oluvchi kishi.
Agnostiklar - olamni to’laqonli, haqiqiy bilish mumkin emas, deguvchilar.
Gnostika (yun.-gnosis-bilim)-eramizning 150 yillarida o’zining cho’qqisiga erishgan diniy-falsafiy oqim bo’lib, bu oqim vakillari xristianlik teologiyasini qadimgi Sharq fanlari hamda neoplatonizm va pifagorizm bilan birlashtirgan edilar. Gnostika bilib bo’lmaydigan, o’zini emanatsiyada namoyon qiladigan "yomonlik" manbai materiyaga qarama-qarshi turadigan ruhiy bosh ibtidoni e’tirof etadi.
Gegel (1770-1831) falsafasining eng asosiy tarixiy ahamiyati unda olamni dialektik anglash metodining sistemali ravishda bayon etib berilganligidir. U obyektiv idealizmdan iborat falsafiy ta’limot yaratdi. Uning falsafiy tizimi asosida "mutloq ruh" g’oyasi yotadi: uning fikricha "mutloq ruh", "olamiy aql" butun borliqning boshlang’ich asosidir. Asarlari: “Mantiq fani”, “Ruh fenomenologiyasi”, “Falsafiy fanlar entsiklopediyasi” va boshqalar.
Gipoteza - haqiqatligi hali to’la isbotlanmagan ilmiy bilish shakli.