3
SO’Z BOSHI
“Iqtisodiy va siyosiy sohalardagi barcha isloxotlarimizning pirovard maqsadi
yurtimizda yashayotgan barcha fuqarolar uchun munosib hayot sharoitlarini tashkil qilib
berishdan iboratdir. Aynan shuning uchun ham ma’naviy jixatdan mukammal rivojlangan
insonni tarbiyalash ta’lim va maorifni yuksaltirish milliy uyg’onish g’oyasini ro’yobga
chiqaradigan yangi avlodni voyaga yetkazish davlatimizning eng muhim vazifalaridan biri
bo’lib qoladi”
[1].
I.A. Karimov.
Хalqning boy intellektual me’rosi va umumbashariy qadriyatlari asosida ma’naviy
barkamol, madaniy, ilg’or fan, texnika va texnologiyalarining yutuqlari asosida bo’lajak
mutaxassislar tayyorlash zamon talabidir.
Mustaqillikka erishganimizdan so’ng, o’sib kelayotgan biz yosh avlodlarga barcha eng
yaxshi imkoniyatlarimizni, kasb-kori mahoratimizni uzluksiz takomillashishga keng imkonyatlar
yaratildi.
1997-yilda zamonaviy talablarga javob beradigan kadrlar tayyorlash masalasiga alohida
e’tibor berildi. Shuning uchun ta’lim sohasida ham belgilanayotgan islohotlarni hayotga
bosqichma-bosqich o’tkazish yo’lga qo’yildi. Jamiyatimizda yoshlarning potensial kuchlarini
ro’yobga chiqarish uchun juda katta ahamiyat berildi. Ta’lim tizimini tubdan qayta ko’rib
chiqish, professional bilimlarni egallash imkoniyatlarini kengaytirish, ma’mur-menejerlarni
tayyorlashni yo’lga qo’yish yangi sharoitlarda, yangi zamonaviy texnologiyalarda ishlashga
qobil ishchi va mutaxassislarni tayyorlash yo’lga qo’yildi.
Prezidentimiz I.A.Karimov o’zining “Barkamol-avlod orzusi’’ asarida “Eng avvalo, biz
ta’lim tizimiga bo’lgan munosabatimizni ham tubdan o’zgartirishimiz kerak. Ta’lim isloxoti
bizni demokratik o’zgarishlar yangi jamiyat barpo etish yo’lidan dadil yetaklovchi, barchamizni
harakatlantiruvchi ishchi kuch bo’lmog’i zarur. Har birimizga besh barmoqday, eskicha aytganda
to’qqiz pulday ayon bo’lsinkim, ta’lim-tarbiya tizimini o’zgartirmasdan turib, odamlar ongini,
demakki, ularning turmush tarzini ham tubdan o’zgartirish mumkin emas” degan fikrlarni aytgan
[2].
Ma’lumki, xalq ta’limining asosiy bo’g’inini uzluksiz ta’limni davlat ta’lim standartlari
va tegishli ta’lim dasturlari bilan ta’minlashda avvalo, ularning jahon talablari darajasida
bo’lishiga, yuksak manaviyat zaminida qurilganiga asosiy e’tibor berish kerak. Shuning uchun
ham umum ta’lim dasturlarini maktabgacha tarbiya, boshlang’ich, umumiy talim,va maktabdan
tashqari ta’lim tarzida tuzilgan. Ta’lim islohotida har bir sohaga alohida e’tibor qaratilgan
bo’lib, bunda kimyo sanoati ham muhim o’rin tutadi. Masalan I.A.Karimov asarida yozilishicha,
O’zbekiston zaminida ulkan va noyob, hali ijtimoiy ishlab chiqarishga jalb etilmagan mineral
4
xom ashyo resurslari bor [3]. Respublikada mineral xom ashyoning 95 turi borligi aniqlandi. Bu
mineral xom ashyoning 700 ta koni mavjud. Amalda, Mendeleyev jadvalidagi hamma elementlar
respublikamizda bor. 370 ta kon ishlab turibdi, ularda bir yil ichida qazib olinayotgan tog’
jinslari hajmi 200 million tonnadan oshdi.
O’zbekiston reniyning noyob zahiralariga ega. U Olmaliq konlaridagi mis rudalari bilan
bog’liq. Molibden konsentrantdagi reniyning miqdori jihatidan bu rudalar jahon amaliyotida
tengsizdir. Sanoatda reniydan aviatsiya va kosmik texnika uchun o’tga chidamli qotishmalar,
elektron uskunalar, neftni parchalash uchun katalizatorlar ishlab shiqarishda keng
foydanilmoqda. O’zbekistonda juda katta kaliy tuz konlari mavjud bo’lib, bular Qashqadaryo
viloyatidagi Xo’jaikon konlaridir. Taxminiy xisoblashlarga qaraganda, kaliy tuzlari 100 yildan
ko’proqqa yetadi. Bugungi kunda ta’lim sifatini oshirish o’quvchilarni mustaqil ijodiy
tafakkurini o’stirishga innovatsion texnologiyalardan keng foydalanishga yordam beradi. Bu esa
mazkur jarayonning rivojlantiruvchisi, amalga oshiruvchisi va boshqaruvchisi bo’lgan biz
bo’lajak o’qituvchilarni kasbiy mahoratimizni chuqurroq shakllantirishimizga to’g’ri keladi.
Shuning uchun xam men Andijon Davlat Universitetida zamon talabiga javob beradigan, yetuk
barkamol shaxs bo’lib shakllanishim uchun o’z ustozlarimdan bilim olishga intildim. Va olgan
bilimlarim yordami bilan ushbu bitiruv malakaviy ishimga katta ma’sulyat bilan yondashdim.
Do'stlaringiz bilan baham: 
