2.2. Globallashuv jarayonida O‘zbekiston Respublikasi xavfsizligiga ta’sir
ko‘rsatuvchi tashqi tahdidlar tasnifi
Xalqaro terrorchilikka qarshi kurash borasida jahon hamjamiyati duch
kelayotgan muammolarni bartaraf etishda eng yirik xalqaro tuzilma- Birlashgan
Millatlar Tashkilotining faoliyati muhim ahamiyat kasb etadi. Mazkur tashkilot
nizomida BMT xalqlar va millatlar harakatlarini muvofiqlashtirish markazi
ekanligi nazarda tutilganligi sababli
1
, BMTga xalqaro terrorchilikka qarshi
kurashni universal darajada muvofiqlashtirishda alohida mas’uliyat yuklatilgan.
Ko‘pchilik mutaxassislar tomonidan xalqaro antiterroristik
2
siyosatni ishlab chiqish
va uni tatbiq etishda BMTning hal qiluvchi roli e’tirof etilmoqda
3
. BMT
Xavfsizlik Kengashi tarkibida terrorizmga qarshi kurash qo‘mitasi faoliyat
ko‘rsatib, ushbu qo‘mitaning asosiy e’tibori davlatlar tomonidan xalqaro
antiterroristik konvensiyalarni ratifikatsiya qilish jarayonini jadallashtirish,
terrorizmning
barcha
ko‘rinishlariga
qarshi
kurash,
terrorizm
moliyalashtirilishining oldini olish va unga barham berish yo‘nalishlariga
qaratilgan.
BMT tomonidan xalqaro tinchlik va xavfsizlikni saqlash, inson huquqlarini
ta’minlash, xalqaro majburiyatlarni vijdonan bajarish, xalqaro nizolarni tinch
yo‘llar bilan hal qilish bilan bog‘liq chigal vaziyatlarda o‘zining salohiyatini to‘liq
namoyish qilayotgani yo‘q. Natijada universal va mintaqaviy xavfsizlikni
ta’minlash qoidalariga tamoman zid tashabbuslar vujudga kelib, ularning oqibatida
terrorchilik faoliyati yanada jadallashmoqda. Shu bois, mutaxassislar tomonidan
Birlashgan Millatlar Tashkilotini isloh qilish, Xavfsizlik Kengashi tarkibini
1
Бирлашган Миллатлар Ташкилоти Низоми ва Халқаро суд Статути.-Т.: БМТнинг Ўзбекистондаги ахборот
маркази, 2002- Б.15.
2
Илмий адабиётда кўпроқ аксилтеррористик эмас, балки антитеррористик ибораси қўлланилиши туфайли,
тадқиқотда антитеррористик иборасини ишлатишга қарор қилинди-муаллиф
3
А. Сичёвнинг асосли ёзишича, терроризмга қарши кураш самарадорлигининг муҳим шарти бўлиб,
давлатлар томонидан халқаро ҳуқуқ нормаларининг бажарилиши ҳисобланади. Халқаро антитеррористик
тадбирларни амалга оширишда БМТ ва унинг Хавфсизлик Кенгаши марказий рол ўйнаши лозим. Батафсил
қаранг: Сычёв А.Международный терроризм как крайне опасная угроза современному мироустройству:
характер проблемы и пути международного противодействия.// Белорусский журнал международного права
и международных отношений. –Минск, 2004.-.№1.-С.31.
43
kengaytirish, uning qoshidagi faoliyat yuritayotgan terrorizmga qarshi kurash
qo‘mitasining
vakolatlarini
kengaytirish,
mazkur
qo‘mita
tomonidan
jinoyatchilikka qarshi kurashda davlatlar hamkorligini muvofiqlashtirib boradigan
organga aylantirish zarurligi qayd etilmoqda
1
.
BMT doirasida xalqaro terrorizmga qarshi kurashni muvofiqlashtirish
masalalari O‘zbekiston Respublikasi uchun g‘oyatda dolzarb hisoblanadi. Xalqaro
terrorizmga qarshi kurashning samaradorligini oshirish, jahon hamjamiyatiga jadal
sur’atlarda integratsiya qilish, xalqaro munosabatlarning to‘laqonli sub’ekti sifatida
BMT faoliyatida ishtirok etish O‘zbekiston Respublikasi tashqi siyosatining
ustuvor yo‘nalishlarini tashkil etadi.Xalqaro terrorizm illati O‘zbekiston
Respublikasi milliy xavfsizligi va barqarorligiga jiddiy tahdid solmoqda. Mazkur
holatlarning barchasi O‘zbekiston xalqaro huquq fani oldiga xalqaro terrorizmga
qarshi kurash sohasida O‘zbekiston Respublikasining BMT bilan hamkorligining
huquqiy asoslarini tadqiq etish, bunday hamkorlikni mustahkamlash va yanada
rivojlantirish kabi dolzarb vazifalarni qo‘ymoqda. Zero, ushbu hamkorlikni yanada
rivojlantirishga ehtiyoj mavjud. BMTning Markaziy Osiyo hududidagi
mintaqaviy vakolatxonasi giyohvandlik vositalari va psixotrop moddalarning
noqonuniy aylanishiga barham berish bo‘yicha tashkil qilinganligi
2
, xalqaro
terrorizmga qarshi kurashni muvofiqlashtirish yo‘nalishi esa chetda qolganligi
achinarlidir. Darhaqiqat, O‘zbekiston Respublikasi Prezidenti I.A.Karimov
ta’kidlaganlaridek: “Uyushgan jinoyatchilik, terrorchilik, narkotik moddalarning
noqonuniy tarqatilishi va sotilishiga qarshi kurash mamlakatlarimiz
hamkorligining asosiy yo‘nalish va mazmuniga aylanishi kerak. Afsuski, alohida
1
Исполнительный директорат Контртеррористического комитета : Борьба с терроризмом- прогресс и
вызовы.// Департамент обўественной информации ООН .DPI/2375B-январь 2005.
2
Исполнительный Директор ЮНОДК приветствует решение о создании Центральноазиатского центра по
борьбе с наркотиками /
http://www.unodc.org/uzbekistan/index.htmlhttp://www.unodc.org/uzbekistan/index.html
44
e’tiborni talab qiladigan bu muammolar bo‘yicha sa’i-harakatlarimizni hali yetarli
darajada muvofiqlashtira olganimiz yo‘q“
1
.
Ma’lumki, tahdid har qanday muammoning rivojlanib, ziddiyat va mojaroga
aylanib, yanada keskinlashib, umuminsoniy taraqqiyotga g‘ov bo‘luvchi salbiy
fenomendir. Tahdid kishilik jamiyatining ilk davridan boshlab insoniyatga doimiy
xavf sifatida jamiyatning barqaror rivojiga to‘sqinlik qilishga intilib, jamiyat
a’zolarini hushyorlikka chorlab kelgan. Diqqat bilan fikr-mulohaza yuritadigan
bo‘lsak, insoniyat tarixi – turfa tahdidlarga qarshi kurash tarixidan iborat. Bunday
kurash insoniyat avlodlarining yashovchanlik xususiyatini ta’minlab kelgan. Ya’ni,
insoniyat tarixidagi taraqqiyot tahdidlarni mardona yengish hamda chetlab
o‘tishning samarali usullaridan foydalanish hosilasidir. Tarix chorrahasida
rivojlanishning progressiv (taraqqiyot) yoki regressiv (inqiroz) holatini ta’minlash
tahdidlarga qarshi tanlangan kurash usulining samaradorligiga yoki uning
aksinchalik holatiga bog‘liqdir. Shu bois, tahdid va taraqqiyot suv va olov kabi bir
birini inkor qilib, birining g‘alabasi, muvaffaqiyati ikkinchisining mag‘lubiyatini
ta’minlab keladi.
Ilmiy-ommabop asarlarda rivojlanish va taraqqiyot aynanlashtirilib, o‘zaro
sinonim sifatida qo‘llanilishiga qaramasdan, taraqqiyot — bu progressiv
rivojlanishning hosilasi sifatida ijtimoiy-siyosiy o‘zgarishlarning oddiydan
murakkabga, quyidan yuqoriga, kishilar tafakkurini nisbatan pessimistik holatdan
optimistik holat sari yo‘naltiruvchi shaklidir. Agar rivojlanish optimal mohiyat
kasb etib, miqdor o‘zgarishlarining sifat o‘zgarishlariga o‘tish qonuni asosida
yuqoriga qarab rivojlansa, u progressiv mohiyat kasb etib, taraqqiyot (progress)ni
ta’minlaydi.
Agar, u pastga qarab borsa, taraqqiyotning orqaga (regress) quyi holatiga
tushib qolgudek bo‘lsa, u regressiv holat sifatida muammo, ziddiyat va mojarolarni
vujudga keltiradiki, ushbu jihatlar - inqiroz darajasida ijtimoiy-siyosiy hayotning
1
Каримов И.А. Биз келажагимизни ўз қулимиз билан қурамиз.Т.7.-Т.: Ўзбекистон,1999.-Б.81.
45
tabiiy asoslariga tahdid sifatida namoyon bo‘la boshlaydi. Rivojlanishning o‘zi
ayrim kuchlar uchun taraqqiyotni ta’minlasa, unga qarama-qarshi bo‘lgan kuchlar
uchun regress yoki inqirozni keltirib chiqarishi mumkin. Sobiq markscha-lenincha
ta’limotning bir yoqlamaligi ushbu sohada ham yaqqol ko‘zga tashlanadi: ular
rivojlanish xarakterini ishlab chiqarish usuli bilan chambarchas bog‘laydilar,
vaholanki, u jamiyatning ma’naviy qiyofasi hamda siyosiy omillar bilan ham
chambarchas bog‘liq jarayondir.
Jamiyat ijtimoiy-siyosiy organizm sifatida rivojlanishga muhtoj. Chunonchi,
inson organizmi ham o‘z rivojini ta’minlash uchun da’vatkor ehtiyojlar silsilasini
vujudga keltirganidek (ovqatlanish, dam olish, biologik ehtiyojlar), jamiyat ham
o‘z rivojini ta’minlash uchun davrning mazmun-mohiyatidan kelib chiqqan holda
turfa muammolarni yaratib turadi. Sog‘lom organizmda insonning jismoniy va
ma’naviy kamolotini ta’minlovchi hujayralar bilan bir qatorda, ma’lum miqdorda
viruslar ham yashayotganidek, jamiyat ham o‘z qa’rida mavjud bo‘lgan illatlardan
xalos bo‘lishi uchun davrning mazmun-mohiyatidan kelib chiqib turfa
chaqiriqlarni tashlab turadi. Bunday muammolar rivojlanishning u yoki bu holatini
ta’minlash uchun tabiiy jarayon sifatida amalga oshadi. Uning sinovidan
muvaffaqiyatli o‘ta olgan jamiyatgagina rivojlanish baxti nasib etadi, unga erisha
olmagan jamiyat ijtimoiy-siyosiy inqirozlar girdobiga tushib, hatto aytish
mumkinki, tahdidlar qarshisida o‘zligini tamoman yo‘qotib boradi. Tarixdan
ma’lum, yirik-yirik imperiyalar parchalanib ketgan. Shu bois, voqea-hodisalar
rivoji ziddiyatli holatini kutib o‘tirmasdan, o‘z vaqtida uning oldini olishga
erishish, jamiyatda kuchli g‘oyaviy immunitet, ma’naviy jipslik asosida fuqaroviy
birlikni ta’minlab borish – jamiyat rivojini ta’minlovchi omildir. Bugungi XXI asr
sharoiti, ya’ni global gumanistik g‘oyalar tantanasi davrida ham tahdidlar ko‘lami
va xilma xilligi jihatidan kengayib, uning oldini olish siyosiy yetakchilarning
doimiy diqqat-e’tiborida bo‘layotganligidir. O‘zbekiston Prezidenti I.A.Karimov
ta’kidlaganidek, "Milliy xavfsizlikning keng qamrovli konsepsiyasini ishlab
chiqish, uning asosini belgilovchi qonunlarini yaratish g‘oyat dolzarb ahamiyatga
46
ega"
1
. Buning uchun mamlakatimizning mudofaa tizimini mustahkamlash,
Vatanimiz sarhadlari daxlsizligini ko‘z qorachig‘iday asrashimiz zarur.
Ushbu konseptual g‘oyaga suyangan holda aytish mumkinki:
1. Tahdid – mintaqamizda va dunyodagi xavfsizlik va barqarorlikka nisbatan
qarshi turuvchi jirkanch illat sifatida jamiyat taraqqiyotining ustuvor rivojiga
to‘sqinlik qiladi;
2. Ilmiy-texnikaviy rivojlanish hamda global axborotlashuv jarayoni
umuminsoniy taraqqiyotga xizmat qilishi bilan bir qatorda, ushbu yangilik va
kashfiyotlardan qay maqsadda foydalanilayotganligiga, qanday strategik ob’ektga
yo‘naltirilganligiga qarab tahdidlarni ham vujudga keltirmoqdaki, bu – insoniyatni
o‘z kashfiyotidan faxr-iftixor hissini tuyishi bilan bir qatorda doimiy hushyorlikka
chorlaydi;
3. Globallashuv ziddiyatlari hosilasi sifatida ichki tahdidlarga nisbatan tashqi
tahdidlar ehtimoli, soni hamda ko‘lami kengayib ketayotganligi hamda mavjud
tashqi tahdidlarning ichki tahdidlarni vujudga keltirish ehtimolining ustunligi
Vatan sarhadlarini mustahkamlash, avaylash va asrashdek mas’uliyatli vazifasini
har birimizning zimmamizga yuklaydi.
Bugungi kunda, dunyoning barqarorligi va taraqqiyoti uchun har bir millat
muayyan darajada javobgar bo‘lib, bunday javobgarlik umuminsoniy mas’uliyatni
vujudga keltiradiki, bu xavfsizlikni ta’minlashga hissa qo‘shishning ob’ektiv
zaruriyatini keltirib chiqaradi. Holbuki, xavfsizlik – uzluksiz, had-hududsiz holat
bo‘lganligi bois, hozirgi sharoitda, umumiy xavfsizlikni ta’minlash va
muvozanatga erishish uchun davlatlar va xalq- larning barqarorligini ta’minlashda
yangicha yondoshuvlarni izlab topish, xavfsizlikni ta’minlashning yangicha
modellarini ishlab chiqishni ijtimoiy-siyosiy davrning o‘zi taqozo etmoqda.
Hozirgi davrda muayyan davlat, millatning mavjudligi, xavfsizligi,
barqarorligi hamda istiqboli ko‘plab qator yangi tahdidlar, xavf-xatarlar tizimini
1
Каримов И.А. Ватан саждагоҳ каби муқаддасдир. 3-жилд.- Т.: Ўзбекистон, 1996. 43- б.
47
sezish, idrok etish darajasiga borib taqalmoqda. Zero, insoniyat tarixida o‘ziga
baho berish, tahdidlarga nisbatan keragidan ziyod xotirjamlik tuyish yoki ularni
butunlay sezmaslik oqibatida tanazzulga yuz tutgan davlat va xalqlar ham bo‘lib,
ular tarixning ushbu sinovlaridan muvaffaqiyatli o‘tgan birliklar tarkibiga
assimilyatsiyalashib ketganligi barchamizga ma’lum. Aksincha, ma’lum davrlar
ichra muttasil taraqqiy etgan millatlar ham borki, ular umrboqiyligining bosh omili
– tahdidning har qanday turiga o‘z vaqtida javob bera olish qobiliyati, aniqrog‘i
"tahdidbardoshlik" salohiyati va darajasi bilan uzviy bog‘liqdir.
Tahdid – umuminsoniy taraqqiyotga to‘siq bo‘luluvchi fenomen ekan, uning
mazmun-mohiyati nimalardan iborat? "Tahdid – ijtimoiy-siyosiy vaziyat bo‘lib, u
muayyan tarixiy davrda aniq bir maqsadga, ya’ni ijtimoiy tizim sifatida davlatning
siyosiy asoslarini zaiflashtirishga, yemirishga, shuningdek, inson hayotiy
faoliyatini izdan chiqarishga, umuman yashashni chigallashtirishga qaratilgan
hududiy-mintaqaviy, umumsayyoraviy omillarning kirib kelishi tufayli sodir
bo‘ladi. Bu esa, o‘z navbatida, zaruriy chora-tadbirlar tizimini ishlab chiqishni
taqozo etadiki, uning amalga oshirilishi natijasida mamlakatda sezilarli ijobiy
siljishlar ro‘y beradi"
1
. Davrning mohiyatidan kelib chiqib, ichki va tashqi
tahdidlar sirasini tashkil etuvchi xavf-xatarlarni quyidagicha turkumlashtirish
mumkin:
– siyosiy xarakterdagi tahdidlar (qurolli mojarolar, terrorizm, ekstremizm
xavfi);
– iqtisodiy tahdidlar (moliyaviy inqiroz, tashqi inqirozlaring ichki bozorga
xuruji, ishsizlik);
– ijtimoiy tahdidlar (ishsizlik, aholi turmush darajasining pasayishi);
– tabiiy-texnogen va ekologik tahdid (ichki va tashqi omillar ta’siri
natijasida ekologiyaning buzilishi, tabiatning stixiyali xurujlari, zilzila, suv
toshqinlari, iqlimning o‘zgarishi);
1
Пахруддинов Ш. "Таҳдид – ҳалокатли куч" – Тошкент, "Академия", 2001 й. 11–12-б.
48
– mafkuraviy tahdid (tashqi va ichki mafkuraviy xurujlar, global
axborotlashuv ziddiyatlari, ma’naviy-axloqiy parokandalik);
– demografik tahdid (ob’ektiv va sub’ektiv sabablar ta’sirida aholining bir
mintaqaga ommaviy ko‘chishi, muayyan hudud va mintaqalarda ommaviy
mardikorchilikning avj olishi).
Bugungi kunda davrning mohiyatidan kelib chiqib aytish mumkinki, jamiyat
taraqqiyotiga bo‘ladigan tahdid – jamiyatda tinchlik va barqarorlikni izdan
chiqarishga yo‘naltirilishi bilan tavsiflanadi. Ma’lumki, har bir ijtimoiy-siyosiy
davrga xos muammolar mavjudki, insoniyat faoliyati ana shu muammolarning
mavjud davrga xos yechimini izlashga yo‘naltirilgandir. Mavjud muammoni
yechishning samarali usullarini topa bilish rivojlanishga optimistik ruh baxsh etadi.
Muammoning mavjud davrga xos yechimi o‘z vaqtida topilmasa, u ziddiyat,
mojaro, oxir oqibat tahdid sifatida namoyon bo‘lib, o‘z ta’sir ko‘lamining
kengayishiga intiladi. Qaysidir jihatdan muammo taraqqiyotni belgilovchi omil
hamdir. Ya’ni, u insoniyatning keyingi rivojiga tayyor yoki tayyor emasligini
sinash uchun davriy imtihondir. Insoniyat uchun chaqiriq shaklida yuz beruvchi
bunday muammolar o‘z vaqtida yechimini topmas ekan, taraqqiyotning regressiv
holatini ta’minlab boradi. Va bunday regressiv holat ziddiyat, mojaro, so‘ngra
tahdid sifatida ayrim hollarda taraqqiyotning yashovchanligiga nuqta ham qo‘yishi
mumkin (yirik imperiyalarning zaiflanib, parchalanishi, SSSRning tarqalib ketishi,
umuman “sotsialistik lagerni” yo‘q bo‘lib ketishi ).
Muammo ham tahdid singari ichki va tashqi muammolarga bo‘linib, ichki
muammolar siyosiy hokimiyat va jamiyat a’zolarining harakat va faoliyatlari
tufayli tashqi muammolarga nisbatan vaqtida o‘z yechimini topishi imkoniyatining
kengligi bilan farqlanadi. Tashqi muammolar o‘zga siyosiy qobiqlarda kurtak otib,
o‘z yechimini topavermagach, ziddiyat va mojaro sifatida namoyon bo‘lib,
agressiv mohiyat kasb eta boradi hamda tahdid darajasiga ko‘tarilgach, o‘z ta’sir
doirasini kengaytirish maqsadida o‘zga sarhadlarga, o‘zga jamiyatlarga ham tahdid
solib turadi. Shu bois, har qanday tahdid siyosiy xarakter kasb etadi. Ya’ni har
49
qanday tahdid ob’ekti siyosatning sub’ekti bo‘lgan jamiyat a’zolariga qaratilgan
bo‘ladi.
Ana shu nuqtai-nazardan barqaror xavfsizlikni ta’minlash uchun jamiyatning
tahdidbardosh bo‘lishi ustuvor ahamiyatga egadir. Tahdid- bardoshlik jamiyatning
jismoniy va ma’naviy sog‘lomligini ta’minlashi bilan bir qatorda, taraqqiyotning
optimal rivojiga ham shart-sharoitlar yaratib boradi. Orzu etilgan har qanday
jamiyat yaratish mumkin, lekin u mavjud tahdidlarga javob berish salohiyatiga ega
emas ekan, o‘z yashovchanligini saqlab qololmaydi (sobiq kommunistik jamiyat
qurish orzularini eslang). Tahdid davlatning siyosiy asoslarini zaiflashtirishga
yo‘naltirilgan faoliyat ekan, unda: tahdidbardosh jamiyat – ma’naviy-axloqiy
omillar ustuvor mohiyatga ega bo‘lgan shunday kishilar birligiki, unda har bir davr
taraqqiyoti yoki tanazzulini ta’minlovchi ijtimoiy-tarixiy sharoitga xos bo‘lgan
muammo – ziddiyat va tahdid darajasiga ko‘tarishining oldini olishga qaratilgan
ongli faoliyatni o‘zida mujassamlashtirgan jamiyatdir. Shuningdek, jamiyatning
tahdidbardoshlik salohiyati uning har qanday tahlikali vaziyatlardan chiqa olish
qobiliyati bilan belgilanadiki, bular siyosiy va iqtisodiy omillar bilan bir qatorda,
davlat va jamiyat tomonidan ushbu omillarning vujudga kelishi, yashovchanligi
hamda barqarorligini ta’minlovchi ma’naviy-axloqiy jihatlar bilan uzviy
bog‘liqdir. Bizning nazarimizda jamiyatning tahdid-bardoshlik salohiyati
ko‘rsatkichlari sifatida quyidagilar maydonga chiqadi: ma’naviy yetuklik,
vatanparvarlik, yurtparvarlik xislatlarini milliy g‘oyada belgilangan konseptual
fikrlar asosida har bir fuqaro ongida shakllanishiga, rivojlanishiga hamda ushbu
jihatlarning ular amaliy faoliyatida ifodalanishiga erishish; siyosiy hokimiyat
tomonidan amalga oshirilayotgan ishlarni, chunonchi, siyosiy islohotlarni,
ijtimoiy-iqtisodiy yangilanishlarni jamiyat a’zolari tomonidan o‘ziniki deb bilib,
ushbu jarayonlarda aholining faol ishtirokiga erishish; siyosiy hokimiyat va
jamiyat a’zolari o‘rtasida o‘zaro yakdillikni ta’minlab, o‘zaro muvozanatning
barqarorligiga erishish; mavjud resurslardan oqilona foydalanish hisobiga
jamiyatda iqtisodiy barqarorlikka erishish.
50
Xullas, tahdidbardosh jamiyat taraqqiyotga intiladi hamda u progressiv
rivojlanishga haqli va vakolatli yagona birlik sifatida jamiyat barhayotligini
ta’minlovchi barcha siyosiy, iqtisodiy, ijtimoiy va ma’naviy immunitetlarni o‘zida
mujassamlashtiradi. Har qanday jamiyatning yashovchanligi uning yuqorida
ta’kidlangan immunitetlar darajasi bilan belgilanadi. Tahdidbardosh jamiyatning
salohiyati shu bilan belgilanadiki, bunda u har qanday ichki va tashqi, mavjud va
ehtimoliy, rejalashtirilgan va rejalashtirilmagan tahdidlarning oldini olib yoki o‘z
vaqtida javob berib, shu tariqa optimal taraqqiyotning davomiyligini ta’minlab
boradi. Jamiyatda ezgu va yovuz kuchlar o‘rtasida doimiy raqobat mavjud ekan
hamda ular siyosiy leksikonda taraqqiyot va tahdid shaklida talaffuz etilib, ijtimoiy
hayotda namoyon ekan, milliy taraqqiyotimizning optimal rivojini ta’minlash
uchun jamiyatning tahdidbardoshlik salohiyatini yuksaltirish har birimizning
zimmamizdagi mas’uliyatdir.
51
XULOSA
Mafkuraviy xurujlarning hozirgi vaqtda nihoyatda keng qamrovli tus
olganligi va mafkuraviy xurujlar jamiyatning barcha sohalari: siyosiy, ijtimoiy,
madaniy, ta’lim-tarbiyaviy, iqtisodiy sohalariga mafkuraviy immunitet g‘oyasining
mantiqiy rivoji sifatida shakllantirish vazifalari tabiiy ravishda kelib chiqmoqda.
Chunki mafkuraviy immunitet jamiyat hayotining barcha jihatlarini bekamiko‘st
qamrab oladi. Mamlakatimiz xavfsizligini yanada mustahkamlash yo‘lida
jamiyatimiz imkoniyatlarini to‘liq safarbar qilish uchun keng sharoitlar yaratadi.
Ta’lim-tarbiya, ma’rifat, madaniyat, siyosiy ong va siyosiy madaniyat kabi jamiyat
taraqqyotining yetakchi omillari mafkuraviy immunitetni shakllantirish jarayonida
asosiy o‘zak vazifasini bajaradi.
Tahdid har qanday muammoning rivojlanib, ziddiyat va mojaroga aylanib,
yanada keskinlashib, umuminsoniy taraqqiyotga g‘ov bo‘luvchi salbiy fenomendir.
Tahdid kishilik jamiyatining ilk davridan boshlab insoniyatga doimiy xavf sifatida
jamiyatning barqaror rivojiga to‘sqinlik qilishga intilib, jamiyat a’zolarini
hushyorlikka chorlab kelgan.
Globallashuv ziddiyatlari hosilasi sifatida ichki tahdidlarga nisbatan tashqi
tahdidlar ehtimoli, soni hamda ko‘lami kengayib ketayotganligi hamda mavjud
tashqi tahdidlarning ichki tahdidlarnida vujudga keltirish ehtimolining ustunligi
Vatan sarhadlarini mustahkamlash, avaylash va asrashdek mas’uliyatli vazifasini
har birimizning zimmamizga yuklaydi. Bugungi kunda, dunyoning barqarorligi va
taraqqiyoti uchun har bir millat muayyan darajada javobgar bo‘lib, bunday
javobgarlik umuminsoniy mas’uliyatni vujudga keltiradiki, bu xavfsizlikni
ta’minlashga hissa qo‘shishning ob’ektiv zaruriyatini keltirib chiqaradi. Holbuki,
xavfsizlik – uzluksiz, had-hududsiz holat bo‘lganligi bois, hozirgi sharoitda,
umumiy xavfsizlikni ta’minlash va muvozanatga erishish uchun davlatlar va
xalqlarning barqarorligini ta’minlashda yangicha yondoshuvlarni izlab topish,
52
xavfsizlikni ta’minlashning yangicha modellarini ishlab chiqishni ijtimoiy-siyosiy
davrning o‘zi taqozo etmoqda.
Ommaviy axborot vositalari faoliyatining plyuralizm tamoyili asosiga
qurilishi demokratiyaning taraqqiyotiga xizmat qiladi. Buning uchun qarama-
qarshi nuqtai nazarlardan iborat bo‘lgan dasturlarni yaratish, chiqishlarda muqobil
fikrlar to‘qnashuviga erishish lozim. Shundagina ommaviy axborot vositalari
jamoatchilik fikrini shakllantirish va rag‘batlantirishga qodir bo‘ladi. Respublika
OAV orqali, shuningdek bugungi kommunikatsion texnologiyalarning
imkoniyatlaridan keng foydalangan xolda “Vebsayt”lar-ni ochib, ular orqali turli
tillarda O‘zbekistonning davlat siyosatida g‘oyaviy-mafkuraviy tahdidlarni bartaraf
etish masalalarini chuqur aks ettiradigan ma’lumotlarni muntazam berib borish, bu
sohada amalga oshirilayotgan demokratik o‘zgarishlarni atroflicha o‘rganishga
hamda, xolisona qarashlarni shakllanishiga xizmat qiladi.
Diniy ekstremistik, fundamentalistik va terroristik harakatlarga qarshi
kurashda mahallalarda, mehnat jamoalarida shu mavzuga bag‘ishlangan suhbatlar,
ochiq muloqotlar tashkil etish, o‘quv maskanlarida esa ilmiy-amaliy
konferensiyalar o‘tkazish, malakasini oshirish, qayta tayyorlash kurslarini ko‘proq
tashkil etib, unga jalb etish yaxshi samara beradi.
53
Do'stlaringiz bilan baham: |