Zaharli kimyoviy moddalar va ekogigiyena Reja

Zaharli kimyoviy moddalar va ekogigiyena

Reja:

1. Kimyoviy zaharli moddalarning ishlatilish sabablari

2. O’simliklarni himoya qilishda ishlatiladigan kimyoviy vositalarning guruhlari

3. Pestitsidlarning gigiyenik va toksikologik sinfi

4. Pesgitsidlar va atrof-muhit

5. Zaharli moddalarni aerozol usuli bilan ishlatish hozirda keng tus olmoqda.

6. Pestitsidlarning organizmga ta’sir qilish mexanizmi

7. Pestitsidlarning tashqi muhitda aylanib yurishi

8. Zaharli ximikatlarning tashqi muhit obyektlari uchun me’yorini ishlab chiqish

Kimyoviy zaharli moddalarning ishlatilish sabablari

Hozirgi ilmiy-texnika rivoji davrida hayotning turli jabhalarida kimyo sanoati mahsulotlari keng ko‘lamda qo‘llanilmoqda. Ayniqsa, qishloq xo‘jalik mahsulotlari yetishtirish borasida kimyoviy moddalarni, ya’ni pestitsidlarni, gerbitsidlarni, defoliantlarni, desikantlarni, antibiotiklarni va boshqalarni ishlatish katta ahamiyat kasb etadi.
O‘zbekistonning serquyosh tabiati va o‘ziga xos iqlim sharoitlari qishloq xo‘jaligini barcha jabhalarining rivoji uchun qulaylik tug‘dirish bilan bir qatorda qishloq xo‘jalik ekinlariga zarar yetkazuvchi har xil hasharotlar va zamburug‘li, mikrobli, virusli kasalliklarning ko‘payishiga yaxshi sharoit tug‘diradi.

O’simliklarni himoya qilishda ishlatiladigan kimyoviy vositalarning guruhlari

O’simliklarni kasalliklar, zararkunandalar va begona o’tlardan asrash uchun ishlatiladigan kimyoviy moddalarning umumiy atamasi pestitsid (lotincha «pestis» — yuqum, «cido» — o’ldirmoq, yo’q qilmoq so’zlardan olingan)lar bo’lib, ular kimyoviy tarkibi, qaysi maqsadlar uchun qo’llanilishiga qarab, shuningdek, zararkunandalar organizmiga o’tish usuli hamda qanday ta’sir qilishiga qarab guruhlarga bo’linadi.

Pestitsidlarni ishlatilish maqsadiga qarab shartli ravishda guruhlarga bo’lingan. Chunki, talaygina pestitsidlar ko’p tomonlama ta’sir ko’rsatish xususiyatiga ega va xilma-xil obyektlarga ishlatiladi, ya’ni ular zararkunanda hasharotlar, ularning tuxumlari, g’umbak lichinkalarini ham nobud qilish xususiyatiga ega.