Z. N. Yulchiyeva kasbiy psixologiya

Introversiya 
– shaxsning o‘z fikrlari, sezgilari, kechinmalari 
va his-tuyg‘ulariga tayanish. 
Mutaxassis 
– shaxsning muayyan kasbga nisbatan yaroqlilik 
darajasi, tayyorgarlik saviyasi, muayyan faoliyat sohasida 
muvaffaqiyatli ishlay olish uchun zarur bo‘lgan bilim, ko‘nikma va 
malakalar yig‘indisi. 
Mutaxassislik tavsifnomasi
– muayyan kasb yoki mutaxassis 
ishchilari mehnatining mazmuniga nisbatan qo‘yiladigan ishlab 
chiqarish talablarining bayoni. 
Ixtisoslashgan mehnat
– muayyan kasbga doir maxsus 
bilimlar ko‘nikmalar, malaka va madaniy odatlarning tarkib topishi 
hamda rivojlanishini talab qiladigan mehnat. 
Mutaxassislik sinovlari
– o‘quvchilar ishlab chiqarish 
ta’limining to‘liq nazariy va amaliy kursini tamomlagandan keyin, 
ularning kasb bo‘yicha olgan bilim va malakalarini tekshirish ularga 
ta’rif ixtisos darajasini berish uchun o‘tkaziladigan tadbir. 

---

225 
Mutaxassislik imtihonlari
– mutaxassis sinovlarining bir 
qismi bo‘lib, ishlab chiqarish ta’lim natijasida o‘quvchilarning olgan 
maxsus nazariy bilimlarini tekshirish uchun o‘tkaziladi. 
Mehnat madaniyati
– mehnatni to‘g‘ri tashkil qilishga doir 
bilimlar, malakalar va odatlar tizimidan iborat individual xislat. 
Shaxsiy tajriba
– har bir individning yoki shaxsning turmush 
jarayonida hosil qilgan tajribasi.
Metod 
– tabiat hodisalarini tekshirish usuli, o‘rganilayotgan 
hodisalarga yondashishda ilmiy bilishning va haqiqatni aniqlashning 
rejali yo‘li, harakat usuli va tartibi. 
So‘rovnoma metodi
– muayyan ruhiy hodisani o‘rganish 
maqsadida tuzilgan savollarga yozma ravishda tegishli javoblar 
olinadi. 
Suhbat metodi
– psixologiyaning ilmiy tekshirish metodla-
ridan biri bo‘lib, tekshiruvchi va teshiriluvchi o‘rtasidagi savol-
javob tariqasida ro‘y beradi.