З. М. Рахматова, М. Р. Ахунова, адти “Тиллар, педагогика ва психология”

Машғулотларни муаммоли ташкил этиш асосида ўқитувчи ва талабалар жамоасида ижодий муҳитни яратиш


З.М.Рахматова, М.Р.Ахунова,
АДТИ “Тиллар, педагогика ва психология”
кафедраси катта ўқитувчилари
Аннотация
Олий таълим муассасаларининг асосий вазифаси юқори малакали рақобатбардош илмий-педагогик кадрлар тайёрлаш бўлиб, мазкур мақолада унинг ечими сифатида олий ўқув юртларида амалга оширилаётган илмий тадқиқот ишлари самарадорлигини оширишнинг педагогик асосларини яратиш соҳасидаги машғулотларни муаммоли ташкил хусусида фикр юритилган.
Калит сўзлар: муаммоли таълим, ижодий муҳит, педагогик технологиялар, мустақил таълим, тадқиқотчилик, муаммоли вазият.

Ўқитувчилар, талабалар жамоасида ўзаро ёрдам, ҳамкорлик ва ижодий муҳитни яратишда замонавий педагогик технологияларнинг ўрни беқиёсдир. Замонавий педагогик технологиялар таълим жараёнини ҳар томонлама мукаммал лойиҳалаштириш, аниқ мақсадлар қўйиш ва уларга кафолатланган ҳолда эришиш, режалаштирилган натижаларни амалга ошириш имконини берувчи узвий боғланган компонентлар йиғиндиси деб ҳисобланади. Ушбу қоидадан келиб чиққан ҳолда ҳар бир мавзуга кенг қамровли лойиҳа ишлаб чиқиш билан бир қаторда, ўқув-методик мажмуа тайёрлаш йўлга қўйилади.

Мажмуанинг таркибига лойиҳага қўшимча тарзда мавзуга дахлдор бўлган барча ахборотлар, тарқатма материаллар, маълумотлар, манбалар, улардан фойдаланиш методикаси киритилади.
Талабалар кичик гуруҳларда, якка тартибда, мустақил ва гуруҳ ҳолида ўқув режасидаги мавзуни ўрганади. Ўқитувчи назоратида талабаларнинг ўзлаштириш даражалари аниқланади. Ҳар бир талаба ўз қизиқиши, қобилияти ва имкониятига мос ўзлаштиришга эришиши билан бир қаторда, олган билимларини амалиётга татбиқ этиб боради.
Таълимнинг ноанъанавий шакллари, интерфаол методларидан унумли фойдаланиш ўқитувчи ва талаба ўртасида ўзаро ижобий муносабатларнинг шаклланишига муҳим таъсир кўрсатади. Бу йўналишда ҳар бир фан, жумладан, педагогика фанлари йўналиши бўйича ҳам тегишли саволномалар ишлаб чиқиш ва талабаларга тарқатилади.