Z. M. Islomov, N. A. Muhamedov, F. A. Sindarova dinshunoslik akademik litseylar va kasb-hunar kollejlari uchun o‘quv qo‘llanma toshkent «Niso Poligraf»

O‘ZBEKISTONDAgI  DINIY  KONFESSIYALAR  –  rus 
pravoslav,  Rim-katolik,  arman  –  Grigoryan,  Lyuteran  cher-
kovlar  (xristian  konfessiyasi),  shuningdek,  yahudiylik,  islom 
konfessiyalari, jami 16 ta diniy konfessiyalar mavjud.
QUR’ON  –  (arab.  –  o‘qimoq,  qiroat  qilmoq;  jamlash)  – 
Alloh tarafidan 23 yilga yaqin muddat mobaynida Muhammad 
a.s.  ga  oyatma-oyat,  sura-sura  tarzida  nozil  qilingan  ilohiy 
kitobdir.  Bu  kitob  islom  dinining  muqaddas  manbai  hisob-
lanadi.  Islom  ilohiyot  maktablaridan  biri  ahl  as-sunna  val- 
jamoa  ta’limotiga  ko‘ra,  Qur’on  Alloh  taoloning  so‘zi  va 
uning  azaliy  ilmi  bo‘lib,  Muhammad  a.s.  ga  vahiy  orqali 
nozil  bo‘lgan.  Qur’on  o‘zidan  oldin  nozil  bo‘lgan  barcha 
ilohiy  kitoblarning  ma’no,  hikmat  va  ahkomlarini  o‘zida 
jamlaganiga ishorat bordir. Qur’on 114 ta suradan iborat. Sura 
Qur’ondan bir bo‘lak bo‘lib, eng kami uchta yoki undan ortiq 
oyatlarni  o‘z  ichiga  oladi.  Oyatlar  soni  esa  Qur’on  matnlarini 
taqsimlashning  turli  yo‘llariga  ko‘ra,  6204  ta,  6232  ta,  hatto 
6666 tagacha belgilangan.