Z islomov, D. Rahimjonov, J. Najmiddinov

DOGMATIZMLIK TÁLIYMATLAR
Islam  dinide  Allataala,  onıń  sıpatları,  insanlardıń 
táǵdiri, qıyamet, jánnet hám dozaq, gúná hám sawap 
usaǵan dogmatizmlik máselelerdi úyreniwshi pán «ka-
lam  ilimi»  dep  ataladı.  Biziń  eramızdıń  VIII — IX 
ásirlerinde  musılmanlar  arasında  grek  filosofiyasınan 
tásirlengen,  Quran  ayatları  hám  hádislerin  nadurıs 
túsingen  taypalar  payda  boldı.
Olar  geyde  Allanı  insanǵa  megzetip  súwretlep, 
geyde  onı  tán  almastan  payǵambarlar,  Quranı  karim 
abıroyına  ılayıq  emes  pikirlerdi  bildirer  edi.  Mine 
usınday  sharayatta  sunniylik  baǵdarı  alımları  ayırım 
aǵımlardıń  buzǵınshı  ideyalarına  bir  qatar  raddiya-
lar bergen. Nátiyjede, moturidiya hám ashariya táliy-
matları  júzege  kelgen.  Sunniylik  sheńberinde  bul  eki 
baǵdar  da  durıs  esaplanadı.